Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Сезоннуг ажылдарда хаара туттунган

26 июня 2024
8

Школачылар бодунуң күш-ажылы дээш 2255-тен 2417 рубльди организациязындан алыр. Тываның Чонну ажылга хаара тудар төвү назы четпээннерни түр када ажылга хаара тудар керээлерни 57 албан чери-биле чарган. Бо хүнде планнаттынган элээдилерниң 70 хуузу ажылдап турар.

У луг-Хем кожуунда 75 элээди ажылдап алыр арганы алган. Шагаан-Арыг хоорайның чагыргазы база школалар кожуунда кол ажыл берикчилери ол. Уруглар сакман ажылында, участоктар ногаажыдылгазы база суггарылгазынче, тураскаалдар девискээрлерин чаагайжыдарынче хаара туттунган. Чижээ, мартта уруглар хар ашталгазынга киришкен.

Бии-Хем кожууннуң Чонну ажылга хаара тудар төвүнүң тус чер чагыргазы-биле чарган керээзи езугаар 40 оолду ажыл-биле хандырган. Уруглар чаагайжыдылга ажылдарында азы назылаан кижилерниң ажыл-агыйында дузалажып турар.

Чайгы дыштанылга хонуктарында Таңды кожуунда – 79, Барыын-Хемчик биле Ак-Довурак хоорайда 75 элээди ажылдап чайлаар.
«Чайгы күш-ажыл сезону эгелээни-биле оолдар, уруглар ажылдаарынга дыка сонуургалдыг апарган. Эң хөй ажыл берикчилери Кызылда. Школалар болгаш уруглар садтары, «Чаагайжыдылга» МУБ база эрткен чылдан бээр «Автоколонна 17» школачыларны ажыл-биле хандырып турар. Хоорай автобустарынга чартык хүн кондукторлап ажылдааш, оолдар хоомай эвес акшаны ажылдап ап турар» — деп, Чонну ажылга хаара тудар төптүң кол специализи Надежда Ховалыг тайылбырлаан.

А. МОНГУШ.

"Шын" №47 2024 чылдың июнь 26