◤ ЯНВАРЬ – ФЕВРАЛЬ
Январь 16-дан февраль 15-ке чедир – Тываның өөредилге албан черлеринге II-ги республика чергелиг үлегер домактар мөөрейи «Мерген сөс дамчыштыр айыыл чок чорук».
◤ ЯНВАРЬ – ФЕВРАЛЬ
Январь 21-ден февраль 21-ге че- дир – өөредилге черлеринге «Шагааның бүдүү айы» деп хемчеглер айы.
◤ ФЕВРАЛЬ – МАРТ
Февраль 2-ден март 27-ге че- дир – Алдан-Маадыр аттыг Национал музейге «XX – XXI чүс чылдарга тыва ниитилелде уруглар делегейи» (ёзу-чаңчылдар, сагылгалар) деп аттыг Башкының болгаш дагдыныкчының чылынга тураскааткан делгелге.
◤ ФЕВРАЛЬ 10
Февраль 10–11 хүннеринде – Улусчу чогаадылга бажыңынга «Шагаа белээ» деп ус-шеверлерниң делгелге-ярмарказы.
◤ ФЕВРАЛЬ 13
Февраль 13–19 хүннеринде – 10.00, 13.00 болгаш 15.00 шактарда Тываның ойнаар-кыстар театрынга «Шагаам чараш чаңчылдары» деп театржыткан көргүзүглер;
17.00 – Улусчу чогаадылга бажыңынга ус-шевер дизайнерлер аразынга тыва национал хеп даараарынга «Шагаа хээзи» мөөрей;
Февраль 13–17 хүннеринде – Кызылдың уран чүүл колледжизиниң концерт залынга ортумак өөредилге черлериниң сургуулдарының аразынга «Аныяктар национал чаңчылдарның кокпа оруу-биле» деп аттыг аныяктар фестивалы»;
Февраль 13–18 хүннеринде – Тыва үндезин культура төвүнге сургуулдарга болгаш школачыларга «Шагаада сагыыр ёзу-чаңчылдар болгаш ужурлар» культура программазы;
Февраль 13–20 хүннеринде – «Шагаа – ыдыктыг байырлал», «Шагаавыстың мөөрейлери», «Шагаа байырлалының чаңчылдары», «Чаа чыл – Шагаа» өөредилге черлеринге класс шактары;
Февраль 13–27 хүннеринде – «Мээң ынак тыва хевим» социал четкилерге фото-чурук мөөрейи.
◤ ФЕВРАЛЬ 14
Февраль 14-те (чагыг ёзу- гаар) – Алдан-Маадыр аттыг Национал музейниң өөнге М.Б. Кенин-Лопсанның «Тыва чаңчылдар болгаш ужурлар» болгаш В.К. Даржааның «Тыва аът», «Тыва эр кижиниң чаңчыл болган ажыл-ижи» деп номнарынга болгаш тыва тоолдарга үндезилээн музейжиткен делгелге.
◤ ФЕВРАЛЬ 18
13.00 – «Сүбедей» спорт өргээзинге назы-хар аайы-биле 5 аңгы бөлүкке, 2007–2016 чылдарда төрүттүнген оолдар аразынга республика чергелиг национал хүреш маргылдаазы.
◤ ФЕВРАЛЬ 19
11.00 – «Гроссмейстер» шыдыраа клувунга эр болгаш херээжен шыдыраачылар аразынга республика чергелиг «Хөл-шыдыраазының» маргылдаазы;
13.00 – «Сүбедей» өргээзинге 18 харга чедир мөгелер аразынга республика чергелиг хүреш маргылдаазы (2005–2007);
16.00 – «Сүбедей» өргээзинге ТР-ниң кубогу дээш коллективтер болгаш кожууннарның чыынды командалар аразынга хана «Хүрежи»,
18.00 – 20.00 – «Цеченлинг», «Дамба Брайбулинг», «Ганден Чойпелинг», «Даши Панделинг» хүрээлеринге «Дугжууба» (Сор ёзулалы).
◤ ФЕВРАЛЬ 20
16.00 – 20.00 – Тыва үндезин культура төвүнге Шагаа бүдүүзүнде ТР-ниң алдарлыг артизи Айдаш Барыңмаа «Тоол кежээзи: Хунан-Кара» деп тоолду ыдар;
22.00 – 05.00 – Улусчу чогаадылга бажыңынга, «Буян-Бадыргы» аалчылар бажыңынга, «Найысылал» культура төвүнге, «Ганден Чойпелинг», «Дамба Брайбулинг», «Даши Панделинг», «Цеченлинг» хүрээлеринге Камбы-лама эргелелиниң лама башкыларының мөргүлү;
«Шагаа байырлалының ужурларынче болгаш чаңчылдарынче аян-чорук» деп аттыг өөреникчилер аразынга Чаа чыл телекөвүрүүнүң II-ги чадазы.
📢◤ ФЕВРАЛЬ 21
06.00 – Дөгээ даанга, Кадарчы тураскаалынга, ТР-ниң культура болгаш дыштанылга парыгынга, «Ганден Чойпелинг», «Дамба Брайбулинг», «Даши Панделинг», «Цеченлинг» хүрээлеринге саң салыр ёзулал;
10.00 – Арат шөлүнге «Шагаа-биле, Курай! Курай!» деп театржыткан көргүзүг;
11.00 – 16.00 – Тыва үндезин культура төвүнге «Шаг чаагай …» деп национал оюннар болгаш байырлал оюн-тоглаазы;
12.00 – Арат шөлүнге «Тевек», «Аът шалбадаары»; «Даш көдүрери», «Аргамчы тыртары» болгаш өске-даа оюн-тоглаалыг программа;
15.00 – аныяктар өргээзинге «Саяннар» театрының байырлал оюн-тоглаазы;
15.00 – В.Ш. Көк-оол аттыг Национал театрга «Шаг чаазының саңы» деп аттыг байырлал оюн-тоглаазы.
◤ ФЕВРАЛЬ 22
13.00 – «Сүбедей» өргээзинге күштүг-шыырак мөгелер аразынга республика чергелиг «Хүреш» маргылдаазы;
14.00 – В.М. Халилов аттыг күрүне филармониязы биле «Саяннар» ансамблиниң хоочуннар төвүнүң каттышкан концерти (Филармония).
◤ ФЕВРАЛЬ 24
11.00 – Национал парктың доштуг шөлчүгежинге «Тыва ча адар оюн: баг адар хевиринге» республика чергелиг ча адарынга маргылдаа.