Арага ишкен соонда, автомобиль мунуп чорааш, катап база туттурган аныяк чолаачыга хамаарыштыр кеземче херээниӊ буруудадыр түӊнелин күрүне талазындан буруудадыкчы— Барыын-Хемчиктиӊ район прокуратуразы чүүлдүг деп санаан. Ооӊ мурнунда база шак ындыг кем-херекти үүлгеткеш, шииттирип турганы билдинген.
Барыын-Хемчиктиӊ район суду 31 харлыг чолаачыга хамаарыштыр кеземче херээниӊ шииткелин үндүрген. Ол РФ-тиӊ Кеземче дүрүмүнүӊ 264.1-ги чүүлүнүӊ 2-ги кезээнде көрдүнген кем-херекке, тодаргайлаарга, автотранспортту эзирик башкарып чорааны дээш шииттирип турган хирезинде, дөмейлешкек кем-херекти база катап үүлгеткенинге буруулуг деп санаан.
Автомобильди эзирик башкарып чорааны дээш шиитттирген хирезинде, 2022 чылдыӊ октябрьда ол эзирик автомашиназын мунуп алгаш, Шекпээр суурдан үнгеш, Абакан хоорайже бар чораан.
Тыва Республикада ИХЯ-ныӊ Күрүне автоинспекциязыныӊ Орук-патруль албаныныӊ ажылдакчылары ону орук ара дозуп алган. Чолаачыны транспорт мунмас кылдыр чайлаткан. Ол арага ишкен-ишпээнин тодарадыр херексел ажыглаарындан ойталаан. Аныяк кижини эмнелгеге барып чедиргеш, шинчидип хынап турган.
Күрүне талазындан буруудадыкчыныӊ туружун барымдаалавышаан, суд ооӊ 1 чыл хосталгазын казаан, 3 чыл хуусаа дургузунда автотранспорт башкарар эргезин хавырган.
Хосталгазын казаан яланы 1 чыл иштинде албан ажылдаар, шалыӊыныӊ 10 хуузун күрүне орулгазынче шилчидер кылдыр өскерткен.
Шииткел хоойлу ёзугаар күш кирбээн.
С.А. ООРЖАК, Республика прокурорунуӊ улуг дузалакчызы.
Р. ДЕМЧИК очулдурган.
"Шын" №45 2023 чылдың июнь 21