Кыш дүжүп агаар-бойдус соой бергенде, шериглерге кедилиг гуманитарлыг ачы-дуза чедирер дизе, берип болур чүүлдерниӊ даӊзызын республиканыӊ Чаӊгыс аай гуманитарлыг дуза штавы дыӊнадып турар.
Чылыг уктар, хөректээш, бөрттерден аӊгыда, туристерниӊ болгаш альпинистерниӊ ажыглалынга белеткеп каан херекселдери болгаш эдилелдерин (майгын, удуур-хап, олбук, коврик, карабин) портативтиг газ болгаш ооӊ балону, дизельдиг енератор, фонарьлар, сапыктар дээш болур-чогуур хире чүүлдерниӊ даӊзызын көрүп алырын сүмелеп турар.
«Кандыг-даа дуза чугула херек!» деп кыйгырыг-биле Гумантиарлыг ачы-дузаныӊ чаӊгыс аай штавыныӊ ажылдап турар адрези:
Кызыл хоорай, Кочетов кудумчузу, 155, тел: 2-17-44.
Бир эвес акша-хөреӊги шилчидип,чаӊгыс чер-чуртугларынга дуза чедирер дизе, pobeda.onf.ru/ «Бүгү чүвени тиилелге дээш! Улусчу фронт» деп сайтыже кирер. Бодунуӊ регионун дилээр деп одуругда Тыва Республиканы - sbor.17. деп айтып каан.
Организациялар болгаш хуу кижилер банк реквизиттери-биле шилчидип болур. А мобильдиг телефон ажыглаар дизе, чурукта көргүскен QR-кодту тыртыргаш, шилчидер акша-хөреӊгихзиниӊ түӊүн бижээш, дуза чедирер аргазы бар.
Ак сеткилдии-биле дузалаан улустуӊ шилчиткен акша-хөреӊгизи-биле чүгле шериглерге чылыг идик-хеп, чугула херектиг чүүлдер садып турар.
