ТР-ниң Культура яамызы чурукчуларны, архитекторларны, скульпторларны болгаш дизайнерлерни Шумов алышкыларга тураскаал тургузары-биле, эң дээре эскиз илередир мөөрейге киржиринче чалап турар.
Мөөрейге чурукчулар, архитекторлар, скульпторлар болгаш дизайнерлер эвилелдериниң кежигүннери киржир. Ажык мөөрейге чогаадыкчы эвилелден киржикчиниң төлевилелин боттандырарынга чогаадыкчы коллективти киириштирип болур.
Билдириишкиннерни Кызыл хоорайның Щетинкин-Кравченко кудумчузунда, 46 дугаар бажыңда, 308 дугаар кабинетке 2023 чылдың сентябрь 1-ге чедир хүлээр.
Билдинмес айтырыгларны 8(394-22)3-17-68 телефонче долгааш, билип ап болур.
Электроннуг почта: opi_mkrt@mail.ru.
Шумов алышкылар – Иван, Александр, Лука, Арсений, Василий база Семен. Олар Ада-чурттуң Улуг дайынының үезинде 120 дугаар миномёт батареяның 320-ги адыгжы полугунуң 11-ги адыгжы дивизиязынга маадырлыы-биле фашистиг немец дайзынны чылча шаап, дайылдажып чораан.
"Шын" №33 2023 чылдың май 6
