Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Шылгарааннарга – шаңналдар

15 октября 2023
24

Тываның алгыг-делгем ховуларын, кадыр-берт дагларын, хоорай-суурларын чаа болгаш чаартыр туткан автомобиль оруктары аргып дараан угулзалар ышкаш каастап турар дээр болза, ында улуг-ла хөөредиг чок. Оларны чаарттып септеп, чаа оруктарны тудуп турар кижилер – эрес-кежээ, ажыл-агыйжы, шудургу орук ажыл-агыйының ажылдакчылары.

Россияның орук ажыл-агыйының ажылдакчыларының хүнүн 2023 чылда октябрь 15-те демдеглеп эрттирер. Орукчуларның байырлалының бүдүүзүнде, октябрь 14-те, Кызылдың транспорт техникумунга байырлыг хурал болуп эрткен. Аңаа республиканың орук адырының хоочуннары, “дугуй кырында республика” деп атка кирген Тываның оруктарының амгы үеде тудуунга шылгараан ажылчыннар, механизаторлар, специалистер дээш орук ажыл-агыйынга хамаарылгалы кижилер чыылганнар.

Тывада автомобиль оруктарында кылып чорудуп турар ажылдар, ында ажылдап турар кижилер дугайында видеосюжетти көргүзери-биле байырлыг хурал ажыттынган.

Орукчуларга оларның күш-ажылчы хүнү-биле байыр чедирип келген сенатор Дина Оюн “Айыыл чок болгаш шынарлыг автомобиль оруктары” деп федералдыг төлевилелдиң Тывага чаа автооруктарны тударынга, эрги оруктарны чаартып септээринге улуг ужур-дузалыг болганын демдеглээш, 2024 чылда бо төлевилелге көвүрүглер тудуунуң программазы немежирин, даглыг болгаш хемнерлиг бистиң республикага ол программа дыка ажыктыг болурун дыңнаткан.

Тывага автомобиль оруктарын тударынга барык 25 чыл дургузунда ажылдап, орук тудуунга улуг үлүг-хуузун киирген Валерий Волосатовка Россия Федерациязының орук-транспорт сайыдының Өөрүп четтириишкин бижиин тывыскан. Бии-Хем кожуун талазындан Кызылче кирип кээр орук кыдыында тоолзуг “Даш хоорайны” даш көжээлерден тудуп тургузар деп идеяны идип үндүрген кижи Валерий Викторович. “Абакан – Кызыл автоорукту чаартып турувуста, чер адаандан улуг хемчээлдиг даштар уштунуп кээрге, оларны тыва улустуң культуразының аяны-биле даш хоорай кылдыр тудар бодал меңээ тыптып келген. Кады ажылдап турган эштеримге, “Восток” ниитилелдиң удуртулгазынга мээң саналым дыка таарышкан. Ам ол “Даш хоорай” Кызылдың, бүгү Тываның болгаш аалчыларның барып дыштаныр ынак чери апарганы меңээ дыка өөрүнчүг” – деп, Валерий Викторович чугаалаан. Валерий Волосатов 70 харлыг-даа болза, 50–60 назы-харлыг, мөге-шыырак кылдыр көстүр. Тываның орук тудуунга ам-даа ажылдаар күзелдиг.

Тываның автомобиль оруктарын тудуп турар организацияларның бирээзи “Восток” ниитилелдиң чиңгине директору Сергей Уюсовту “Россияның хүндүлүг орукчузу” (“Почетный дорожник России”) хөрек демдээ-биле шаңнаан.

“Восток” ниитилелиниң ажылдакчызы Николай Датович Хомушкуга Россия Федерациязының орук-транспорт сайыдының Өөрүп четтириишкин бижиин тывыскан. Николай Датович Мөңгүн-Тайга кожуунда орук тудуунда ажылдап турар болгаш, боду байырлыг хуралга кээр чай-хос чок болган. “Восток” ниитилелдиң чиңгине директору Сергей Уюсов улуг шаңналды Николай Датович Хомушкуга боду туда барып тыпсыр.

“Тыва Республиканың автомобиль оруктарының эргелели” күрүне албан чериниң төлевилел килдизиниң начальниги Айлана Юрьевна Кок Тываның Баштыңының Өөрүп четтириишкин бижии-биле, Тываның орук тудуунга хөй чылдар дургузунда ажылдаан Олег Ховалыгович Сарыг-оол, Сергей Васильевич Панов олар Тыва Республиканың Хүндүлел бижии-биле шаңнатканнар.

Тывада автомобиль оруктарын тударынга боттарының хууда улуг үлүг-хуузун киирген хөй ажылдакчыларга, специалистерге Тыва Республиканың, ТР-ниң Орук-транспорт яамызының, ТР-ниң Дээди Хуралының шаңналдарын тывыскан.

Ш.МОНГУШ.

Буян ООРЖАКТЫҢ тырттырган чуруу.


«Шын» №78 2023 чылдың октябрь 14