Май 24-те Тываның В.Көк-оол аттыг Национал хөгжүм-шии театры “Дембээрел” деп шииниң көрүлдезиниң бетинде, 87 дугаар сезонун түңнеп, чыл дургузунда театрның амыдыралындан онзагай болуушкуннарны сактып, шылгараан коллегаларын көрүкчүлер мурнунга чарлап, байырлыг байдалга шаңнап-мактаар эки чаңчылын уламчылаан.
Артистерниң сценаже үнүп, шиилерде кедип турар кайгамчык солун костюмнарын даарап турар цехтиң шеверлери “Чылдың цеги” шаңналга төлептиг болганнар.
“Чылдың специализи” – фото-чурук болгаш видео тырттырыкчызы Айдың Донгак;
“Чылдың актрисазы” – Раволда Монгуш;
“Чылдың актеру”- Чылгычы Даваа болган.
Театр сезонун түңнеп тура, театрның Чогаадыкчы чөвүлелиниң хуралынга шылгарааннарны аңгы-аңгы профессионал үнелелдерни барымдаалап тургаш, илередир. Оларның аразында, бодунуң ажыл-херээнге бердингени, ынакшылы болгаш кылып турар ажылының шынары база эвээш эвес рольду ойнаар.
ТР-ниң В.Көк-оол аттыг Национал хөгжүм-шии театрының медээзи-биле
#ТываныңКөк_оолаттыгНационалтеатры
