Шын сайгарылга, чедиишкинниг үре-түӊнелдиг саналдар херек.

Бөгүн Тываныӊ Чазааныӊ Аппарат хуралы болуп эрткен. Чазак деӊнели-биле сайгарып көрген чугула ажыл-херек дугайында республиканыӊ Баштыӊы Владислав Ховалыг блогунга бижээн:
«Тывага 9 ай иштинде хоойлуга дүүшпес 80 тонна спирт холуксаалыг продукцияны хавырган. Эрге-хоойлү үрээр чоруктарныӊ ниити саны эвээжеп-даа турар болза, чаӊгыс-даа аар кем-херек херек кырында арагалаашкын чок болбайн турар. Бо неделяда республикага кем-херек үүлгедиишкиннерин демисежириниӊ (декриминилизация) комплекистиг планыныӊ күүселдезин делгем состав-биле сайгарып көөр бис. Коллегаларымдан шын сайгарылганы болгаш чедиишкинниг үре-түӊнелдиг саналдарны манап тур мен.
Хамааты камгалалдыӊ айтырыглары амгы үеде улуг кичээнгейни негеп турар. Онза айыылдыг байдалдарныӊ дугайында чонну дыӊнадыры безин. Тывада Онза байдалдар яамызыныӊ Кол эргелелиниӊ дыӊнадып турары-биле алырга, амдыызында хаара туттунганы эвээш болуп турар. Бо талазы-биле ажылды күштелдирерин республиканыӊ Хамааты камгалалыныӊ болгаш Онза байдалдар албанынга дагзып каан мен.
Федералдыг акша-хөреӊгини ол-ла үезинде шиӊгээдирин хынап турар бис. Чүгле кассаже көөрү эвес, а херек кырында ону эӊ улуг деӊнели-биле шиӊгээдирин хандырар ужурлуг бис. 2022 чылдыӊ дуржулга-керээлери-биле сорулгалыг ажыл-херектиӊ көргүзүглериниӊ чедер-четпес айыылдыг байдалдарын сайгарып, үнелеп көрдүвүс.
Ол дээрге ведомстволарныӊ удуртукчуларыныӊ бо чылдыӊ төнчүзүнге чедир мурнады шиитпирлээр ажыл-херээ болур деп дугуруштувус. План-графиктер бар. Херек кырында ону канчаар шиӊгээткенин көрүп тургаш, рейтинг тургузар мен».