Дайынчы хөделиишкиннерниӊ хоочуннарынга шынзылга тыпсыр талазы-биле Тываныӊ Шериг комиссариадында аӊгы комиссия ажылдап эгелээн.
Ук шынзылганы тыпсырыныӊ чурумун Россияныӊ Камгалал яамызы 2023 чылдыӊ март 9-та бадылаан.
Төп шериг округунуӊ командылакчызыныӊ дужаалы-биле Тываныӊ Шериг комиссариадынга сес кижи составтыг комиссия тургускан. Ооӊ даргазынга ТР-ниӊ Шериг комиссарыныӊ оралакчызы, подполковник А.В. Басенковту томуйлаан. Комиссияныӊ баштайгы хуралы май 18-те болуп эрткен.
Дайынчы хөделиишкиннерниӊ хоочуну деп шынзылга алыр 11 кижиниӊ билдириишкинин аӊаа сайгарып турган.
Тускай шериг операциязында киржип турар шериглерге, эки турачыларга «Дайынчы хөделиишкиннерниӊ хоочуну» деп шынзылганы шериг комиссариаттары чогуур билдириишкин ёзугаар тыпсыр.
ТР-ниӊ Шериг комиссариадыныӊ медээзи-биле Р. Демчик белеткээн.