Кижи шырайы аңгы-аңгы: чазык, ажык, бодамчалыг, кенен, пөрүк, эскет чок, каржы, бардам, шыңгыы, муңгаргай, дүрзүнчүг, каттырынчыг, мугулай дээш оон-даа ыңай. Кижиниң шырайы хөй кезиинде ооң аажы-чаңы-биле дүүшкек болур.
Чазык азы оожум шырайлыг кижи-биле чугаалажырга безин эптиг. А шырайы бардам кижиниң бараанындан безин кижи ойлаксаар.
Улус-биле чугаалажырда, арын-шырайы чазык, бодун оожум алдынарын оралдажыр, көрүжүн дорт тудар. Карактарының кирбиктерин чугаа үезинде эмин эрттир көдүрбес. Думчуун дырышкайтпас, эриннерин сүвүрертпес.
Идик-хевин таарыштыр кеткен, кылажы чараш, шырайы чазык кижини тывалар «көрүштүг кижи» дээр.
/ Чурукту болгаш сөзүглелди «Улусчу ужурлар» номдан алган.
“Шын” №22 2026 чылдың июнь 11