Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Социал адырның 51 объектилеринде

28 октября 2023
16
2023 чылда социал адыр объектилерин бүрүнү-биле чаартып-септээр улуг ажыл Тывада чоруп турар. Федералдыг база республика бюджеттеринден акшаландырган аңгы-аңгы күрүне программалары-биле 51 албан черин (беш культура албан черин, кадык камгалалының 10 объектизин, 15 өөредилге организацияларын, алды социал албан черин, ийи аныяктар төвүн, 13 спорт организацияларын) эде чаартып турар.


Бөгүнде 35 объектиде шупту септелге ажылдары бүрүн доозулган. «Өөредилге» национал төлевилел күүселдези-биле республиканың 13 ниити билиг школаларын бүрүн септеп, чаа эт-сеп болгаш дериг-херексел-биле дерээн. Амгы үениң аныяктар төптерин дээш Барыын-Хемчик биле Бии-Хем кожууннарда объектилерни эде чаарткан.

«Уруг бүрүзүнге чедиишкин» федералдыг төлевилел боттанылгазы-биле Кызылдың «Аныяк» өөредилге төвүнүң оран-савазын чаартып септээн. Таңдының Кочетов суурда фельдшер-акушер пунктунуң септелгезин, Каа-Хем кожууннуң төп эмнелгезиниң чылыг, Чөөн-Хемчиктиң төп эмнелгезиниң чылыг биле соок суг четкилеринге капитал септелгени кылган.

Ак-Довурак хоорайның, Барыын-Хемчик, Тес-Хем, Тожу, Мөңгүн-Тайга, Өвүр кожууннарның база республиканың «Авырга» спорт школаларын эде чаарткан.

Өвүрде, Улуг-Хемде база Кызыл хоорайда Өг-бүлеге база уругларга социал дуза төптерин, Таңды кожуунда «Байлак» кадыкшылга лагерин септээн. «Культура» национал төлевилел күүселдези-биле Сүт-Хөл кожууннуң Алдан-Маадырда база Барыын-Хемчиктиң Эрги-Барлыкта культура бажыңнарында, ол ышкаш К.И. Чуковский аттыг республиканың уруглар библиотеказында болгаш Тываның Национал музейиниң Сүт-Хөл кожуунда салбырында септелге ажылдары доозулган.

ТР-ниң Чазааның парлалга албаны.


“Шын” №82 2023 чылдың октябрь 28