Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
1925 чылдың август 31-де үнүп эгелээн
Кызыл
26 сентября, пн

«Социал картофель» Тес-Хем кожуунда боттанып турар.

14 сентября 2022
4

Күс дүшкен. Кожууннарда дүжүт ажаалдазы кидин-түлүк чоруп турар. Чазын «Социал картофель» төлевилелинге киржип, оон картофель үрезин алган өг-бүлелер база дүжүдүн ажаап ап эгелей берген. Ук төлевилелге амыдыралы чегей, хөй ажы-төлдүг өг-бүлелерни илередип четчелээш, картофельди тус черниң чагырга черлеринде социал адырның ажылдакчылары даңзы езугаар үлеп берген турган.

ТР-ниң Күш-ажыл болгаш солитика яамызының чазын дыңнатканы-биле алырга, деткимчени орулгазы эвээш 11,3 муң өг-бүле алган. Ниитизи-биле 300 тонна картофельди үлээн. Картофель үрезиннерин Кемерово болгаш Минусинскиниң көдээ ажыл-агыйларындан, тус черниң арат-фермер ажыл- агыйларындан эккелген.

Даңзыда ады кирген өг-бүле бүрүзүнге 25 кг картофель болгаш 500 грамм ногаа үрезиннерин берген. Бир эвес өг-бүледе үштен хөй ажы-төл бар болза, оларның үлүү 50 кил картофель.

Тес-Хем кожуунда ук төлевилел база эки үре-түңнелдиг ажылдап турар. Олар эрткен чазын чонга үлээр картофельди Таңды кожуунда фермер Алена Куулар-биле дугуржулга-керээ чаргаш, 207900 рубльга 6930 кил картофельди 1 килограммда 30 рубльга садып алган. Кожуунда ниитизи-биле 2794 өреге бар болза, оларның 868-зи хөй ажы-төлдүг, 1241-и чединмес өг-бүлелерге хамааржыр. Тес-Хем кожууннуң чагырга ажылдакчыларының чоруткан хыналдаларының соонда, картофель үрезинин 476 өреге хереглеп турар болган. Оларның 262-зи хөй ажы-төлдүг болза, 1160-ны назы четпээн уруглар.

Кожууннуң чеди суурунга аңгы-аңгы өг-бүлелерге ниитизи-биле 6930 кил картофельди тарааш, күзүн 13 171 килди ажаап алган.

Айдың ОНДАР.