Апрель 27-де Тываның Чурагайлыг сайзырал яамызы аныяктар аразынга бир дугаар спортчу программирование маргылдаазын информастыг технологиялар техникумунуң баазазынга эрттирер.
Ооң кол сорулгазы спорттуң чаа хевири «спортчу программированиени» чон аразынга хөгжүдери база нептередири, чурагайлыг экономика адырының каадырларын илередири база ажылга хаара тудары болур.
Ук маргылдаага республиканың өөредилге албан черлериниң өөреникчилери, сургуулдары база 14 хардан 35 харга чедир күзелдиг кижилер киржир. Олар спортчу программированиениң даалгаларын Pascal, C, C++ база Java программаларының баазазынга боттарының билиглерин шылгаар.
Маргылдаага киржирде, апрель 26-га чедир дараазында айтыгже чагыгны чорудар.
Немелде медээлерни +7(394) 229-77-12 телефон дугаарындан база it@rtyva.ru электроннуг шуудаңдан билип ап болур.
Маргылдааның эртериниң дүрүмү-биле дараазында айтыгда медээ-биле таныжып болур https://itsportrtyva.ru
Спортчу программирование - 2023
26 апреля 2023
28