Шагаа хүннеринде республиканың хоорай, суурларынга янзы-бүрү байырлыг хемчеглер болгулаан. Кызыл кожууннуң Элегес-Аксы суурга республика чергелиг «Сыдым байырлалы» бедик деңнелге эрткен. «Чараш өрүг» биле «Тергиин Шалбадакчы» деп ийи чадага эрткен мөөрейге Кызыл, Тес-Хем болгаш Таңды кожууннуң сумуларындан 7 команда киришкен.
Бо онзагай байырлалдың кол сорулгазы — аъттың дериг-херекселин эрги арга-биле кылыр чаңчылды катап тургузары, ус-шеверлерниң салгалын уламчылаары, ол ышкаш аъттың дериг-херекселин кылырынга чаа техноло-гияларны ажыглаарын нептередири.
Мөөрейниң түңнелинде кол шаңнал — аскыр аътты Сукпак сумузунуң командазы алган. Бирги черге Таңды ко-жууннуң Дүрген сумузунуң, ийигизинге Элегес-Аксының, 3-кү черге Тес-Хем кожууннуң Самагалдайның команда-лары төлептиг болган.
Аът шалбадаар мөөрейге 15 кижи киришкен. Эң-не тергиин шалбадакчы Кызыл кожууннуң Кара-Хаак сумузунуң чурттакчызы Сылдыс Чульдук болган.
Аңгы-аңгы номинацияларның шаңналдарын Кара-Хаак, Ээрбек, Баян-Кол командалары алгылаан.
«Сыдым байырлалын» Кызыл кожууннуң чагыргазының деткимчези-биле эрттирген. Ук кожууннуң культура эр-гелелиниң болгаш Төпчүткен клуб системазының ажылдакчылары байырлалды организастаан.
Бистиң корр.
Чуруктарны интернет четкизинден алган.
“Шын” №12 2024 чылдың февраль 16
