Мобилизастаан шериглерниӊ өг-бүлелери федералдыг азы регионалдыг-даа төлевирлер, чиигелделер талазы-биле берге айтырыгларга таваржып турар болза, «Госуслуги» порталын таварыштыр дыӊнадыышкынны чорудуп болур.
Дыӊнадыышкынны чүгле мобилизацияже келдирген хамаатылар болгаш оларныӊ өг-бүлези, эки турачылар, керээ-биле шериг эрттирип турар улус, халажылгада шериглер бижиир.
Баштай «Госуслуги» порталында бодунуӊ амы-хууда медээлерин хынап бадыткаар. Кайы регионга моблизацияже келдирткенин айтыр. Бергедежип турар байдалыныӊ дугайында тодаргай бижээш, дыӊнадыышкынны чорудар.
Ону 7 хүн дургузунда сайгарып көргеш, харыылап бээр.
Тускай шериг операциязыныӊ киржикчилериниӊ болгаш өг-бүлелериниӊ эрге-ажыын камгалаар сорулгалыг 31 кижи составтыг ажылчын бөлүктү тургузарыныӊ дугайында Россияныӊ Президентизиниӊ айтыышкыны үнген.
Ажылдыӊ бөлүктү Федерация Чөвүлелиниӊ даргазыныӊ оралакчызы Андрей Турчак удуртуп баштаар. Ол бөлүкте сенаторлар, депутаттардан аӊгыда, хөй-ниитичилер, журналистер база бар. Күрүне Думазыныӊ даргазыныӊ оралакчызы Шолбан Кара-оол – ажылчын бөлүктүӊ бир кежигүнү.
Шериглерниӊ болгаш оларныӊ өг-бүлелериниӊ херек кырында таваржып турар берге айтырыгларын канчаар шиитпирлеп турарынга, чүнү чедир ажылдап кылырынга хамаарыштыр олар Президентиге ай санында илеткээр.
Р.Демчик белеткээн.
Төлевирлер шилчивейн турар болза
21 декабря 2022
33