«Тубтен Шедруб Линг» хүрээзиниң ажыдыышкыны 2023 чылдың апрель 28-те болур. Чаа хүрээниң ажыдыышкынынга Россияның регионнарындан, Моолдан болгаш өске-даа даштыкы чурттардан аалчылар келир.
Регионнуң айыыл чок чоруун харыылаар департаментиниң хоойлу-дүрүм хажыдыышкыннарын болдурбас талазы-биле эргелелиниң инспектору Айлуна Хертештиң медеглээни-биле, апрель 28-те эртенгиниң 7 шактан 15 шакка чедир Кызыл хоорайның Московская биле Степан Сарыг-оол кудумчуларының белдиринден Кызыл – Эрзин чоруур оруктуң долгандырыынга чедир болгаш Владимир Оскал-оол, Леонид Чадамба, Авиаторлар кудумчуларындан хүрээже эртер автотранспорт оруун түр үеде хааптар.
Айыыл чок чорукту тургузар сорулга-биле үстүнде ады кирген кудумчуларның белдирлеринден хемчег болур девискээрже оруктарга тускай орук демдектери тургузар.
Ук оруктар-биле эртер «1А» болгаш «105» Т дугаарлыг автобус маршруттарының түр үеде халыыр оруктарының схемазын ТР-ниң Орук-транспорт яамызының социал четкиде арыннарындан көрүп болур.
А.ОНДАР.
Буян ООРЖАКТЫҢ тырттырган чуруу.
Түр үеде оруктарны хааптар
26 апреля 2023
30