Төөредикчи чорук-биле пособие ап турган

Социал төлевирлер ап тургаш, төөредикчи чорук үүлгеткен херээжен кижиге хамаарыштыр кеземче херээн Тес-Хем кожууннуӊ прокуратуразы судче чорудупкан.

Тус черниӊ 41 харлыг чурттакчызын, төөредикчи чорук-биле социал төлевирлер ап турганы дээш, РФ-тиӊ Кеземче кодекизиниң 159.2 чүүлүнүӊ 1-ги кезээ-биле буруудадып турар. Истелге херээниӊ талазы-биле буруудадыр актыны Тес-Хем кожууннуӊ прокурору бадылаан.

Прокурорнуӊ хыналдазыныӊ материалдары негелде херээн көдүрериниӊ үндезини болган.

Байысаалганыӊ материалдары-биле алырга, ол херээжен кижи үш дугаар болгаш ооӊ соонда төрүттүнген уругларынга 13 972 рубль хемчээлдиг төлевирни ай санында ап турган. 2022 чылдыӊ июль айда ооӊ бичии уруу чок апарган. Ынчалза-даа ук фактыны Тес-Хем кожууннуӊ Күш-ажыл болгаш социал хөгжүлде эргелелинге дыӊнатпаан.

Чок апарган чаш назылыг төлүнүӊ социал төлевирин хоойлуга чөрүштүр ап чоруп турган. 2022 чылдыӊ июльдан 2023 чылдыӊ февральга чедир алган социал төлевириниӊ ниити түӊү 100 муӊ ажыг рубль болган.

Кожууннуӊ прокуратуразы социал төлевирлерни күрүнеге эгидер дугайында негелдени киирген.
Истелге херээн ханы сайгарып көөрү-биле эптештирилге судунче чорудупкан.

Республика прокурорунуӊ улуг дузалакчызы С.А. ООРЖАК.
Р. ДЕМЧИК очулдурган.

"Шын" №59, 2023 чылдың август 9