Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тамерлан Чындыгыр — шыдырааның тергиини

4 мая 2023
40

Апрель 13–17 хүннеринде Москваның “Измайлова Альфа” аалчылар бажыңынга элээди уруглар, оолдар аразынга Россияның бирги чери дээш база 1 дугаар лиганың Бүгү-россия чергелиг шыдыраа маргылдаалары болуп эрткен. Шыдырааның композицияларга, блицке, классикага база дүрген ойнаар хевирлеринге ниитизи-биле 78 девискээрден 4700 аныяк шыдыраачы киришкен.

Түңнелинде, 17 харга чедир классиктиг хевирге бистиң чаңгыс чер чурттуувус, амгы үеде Санкт-Петербургтуң Суворов училищезиниң сургуулу Тамерлан Чындыгыр 9 салыгдан 7 санны алгаш, 1 дугаар черге төлептиг болган. Тамерлан Делегей чергелиг шыдыраа федерациязы – ФИДЕ-ниң тыва эр улус аразынга бир дугаар спорт мастери. 2021 чылда Европага блицке база дүрген шыдыраага чемпионнааш, база шыырак классиктиг хевиринге мөңгүн медальды алган.

Россияның камгалал сайыды Сергей Шойгунуң 2022 чылдың декабрь 1-де үнген Чарлыы-биле Тамерлан Суворов аттыг шериг училищезиниң сургуулу болган. Тамерлан тыва ойнакчылардан шыдыраага 1 дугаар Россияның бедик чадазының тиилекчизи деп атка төлептиг болганы дээш, чоннуң мурнундан изиг байырны чедирбишаан, бо чылын болур Делегей чемпионадынга бедик спортчу чедиишкиннерни күзеп каалыңар. Шак-ла ындыг байырны баштайгы тренери Сергей Түлүшке база амгы тренери делегей чергелиг спорт мастери, Россияның алдарлыг тренери Андрей Лукинге чедирдивис.

Ол ышкаш 1 дугаар лигага Кызыл хоорайда өөредилге төвүнүң шыдыраа салбырында өөренип турар Арина Иргит 15 харга чедир уруглар аразынга Россияның хүлер медалынга төлептиг болганы улуг чоргаарал.

13 харга чедир уруглар аразынга Анастасия Ооржак 94 ойнакчы аразынга 30 дугаар черни алган. Бо уругларның тренер башкызы Сергей Түлүш.

Бир дугаар лигага оолдар аразынга Начын Чамзы 13 харга чедир 229 ойнакчы аразынга 24 дугаар черни, 9 оюндан 6,5 санныг алган (тренери Эдуард Ховалыг).

11 хар чедир 252 шыдыраачы аразынга Эртине Херел 9 оюндан 5 санныг болуп, 89 дугаар болган (тренери Чингиз Күжүгет).
Бедик тура-соруктуг оюнну дараазында шыдыраачылар көргүскеннер: Данил Куулар, Алексей Шалавин, Тимур Иргит, Бады-Доржу Ооржак, Давид Сенди. Оларның тиилелгелери ам-даа мурнунда.

Бистиң бичии шыдыраачыларывыс эки көргүзүглүг болганнар. Бо чедиишкин дээрге уругларның шыдыраага ынакшылы, кызымаккай тура-соруу база тренерлериниң, ада-иелериниң деткимчезиниң бадыткалы-дыр. Ажы-төлдү эки өөредири база деткиири дээрге-ле бурунгаар сайзыралдың улуг демдээ болур.

/ Алексей ЧАМБАЛ-ООЛ.

"Шын" №32 2023 чылдың май 3