Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тараа аймаа.

19 октября 2022
7

Кожууннар чагыргаларының көдээ ажыл-агый килдистериниң ТР-ниң Көдээ ажыл-агый яамызынга киирген медээлери ёзугаар, 2022 чылдың октябрь айның 8-тиң хүнүнде байдал-биле алырга, 7320 га шөлде тараа дүжүдүн бастырып, 8730 тонна тарааны ажаап алган. Дүжүттүң деңнели 1 гадан ортумаа-биле 11,9 центнер болган. Бо чылгы каңдаашкынныг чайның уржуун ап көөр болза, дүжүт чүгээр. Тараа аймааның хевир аайы-биле алырга, кызыл-тасты – 3977, суланы – 3245, кырлыг-караны 1508 тоннаны ажаап алган.

Кожууннар аайы-биле алырга, эң хөй дүжүттү бо чылын Таңды кожууннуң тараажылары ажаап алган. Олар 5570 га тараа шөлүнден 7375 тонна тараа аймаан ажаап алганнар. Ооң иштинде кызыл-тасты – 3210, суланы –2657, кырлыг-караны 1608 тоннаны.

Тарааның дүжүткүрү 2022 чылда Каа-Хем кожуунда эң бедик, бир гадан ортумаа-биле 16,5 центнер. Эрткен чазын үрезин чашкан 1440 га тараа шөлүнүң 1220 газын каңдаашкынның уржуундан үндүр бижиир, таарыы үнген тараа өзүмүн мал чеминге ажыглаар шиитпир хүлээп алдынган. Арткан 220 га тараа шөлүнден 363 тонна дүжүттү ажаап алган.
Сүт-Хөл кожууннуң суггаттыг шөлдеринге тараа дүжүдү чүгээр болган, ортумак дүжүт 1 гадан 10,3 центнер. Каңдаашкынның уржуунда үндүр бижээн тараа шөлдеринден арткан-калган 300 гадан 310 тонна дүжүттү ажаап алган.

Чөөн-Хемчик кожуун 210 га тараа шөлүнден 210 тоннаны, Бии-Хем кожуун 1020 га черде тарааны кестирип, 558 тонна ажаап алган дугайында сан-чурагайлар республиканың Көдээ ажыл-агый яамызының медээлеринде бар. Бо кожууннарда тарааның дүжүткүрү шоолуг эвес болган. Чөөн-Хемчикте – 1 гадан 5,9 центнер, Бии-Хемде – 1 гадан 5,5 центнер.

Чаа-Хөл, Улуг-Хем дээш элээн каш кожууннарда тараа шөлдеринде өзүмнерни үндүр бижээн азы мал чеми чергезинче шилчиткен болгаш, ол кожууннардан тараа ажаалдазының дугайында сан-чурагайлар республиканың Көдээ ажыл-агый яамызының медээлеринде чок.

Тываның Көдээ ажыл-агый яамызының медээлери-биле Ш. Монгуш белеткээн.
Буян Ооржактың тырттырган чуруу.