Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тергиин инструктор – Айдыс Сапык

29 октября 2023
12

Октябрь 29 — Автомобилистиң хүнү
Автомобилистиң хүнүн таварыштыр ТР-ниң Орук транспорт яамызы биле Республиканың автошколалар ассоциациязы автошколалар аразынга «Тергиин чолаачылар инструктору-2023» деп мөөрейни организастаан.


Мөөрейни ийи чадага эрттирген. Аңаа республиканың 12 автошколазындан (25 автошколадан) 22 кижи киришкен. Теория чадазынга киржикчилер орук шимчээшкиннериниң дүрүмнеринге шылгалда билеттеринге харыылаан. А практиктиг кезээнде Кызылдың транспорт техникумунуң полигонунга мөөрейниң киржикчилери автомобиль башкарар арга-мергежилин көргүскеннер.

Мөөрейлер соонда техникумнуң хуралдаар залынга тиилекчилерни шаңнап-мактаан. Шаңнал тыпсыр езулалды ТР-ниң орук-транспорт сайыдының оралакчызы Денис Хангай ажыткан. Ол киржикчилерге өөрүп четтиргенин илереткеш, шаңнал сертификаттарын байырлыг байдалга тывыскан. Шаңналдарны «Орук шимчээшкинин организастаар төп» МУБ, Тыва Республиканың автомобиль оруктарының удуртулгазы база «Тываавтотранс» ААН деткикчилээн.

Мөөрейниң тулган тиилекчизи Кызылдың транспорт техникумунуң чолаачылар инструктору Айдыс Сапык болган. Ол диплом болгаш 50 литр бензин сертификады-биле шаңнаткан. Ийиги чер алган «Аян» автошколаның инструктору Аян Чооду 30 литр бензин сертификадынга төлептиг болган. «Тываавтотранс» өөредилге комбинадының инструктору Эртине үшкү черни алгаш, 20 литр бензин сертификадын алган. Арткан киржикчилерни 10-10 литр бензин сертификаттары-биле шаңнаан.

Ол ышкаш Автомобилистиң хүнүнге тураскааткан байырлыг хемчегге республиканың орук-транспорт адырының тергиин ажылдакчыларын шаңнап-мактаан. Республиканың автошколалар ассоциациязының даргазы Сергей Белоусовту «Енисей губерниязының тургустунганындан 200 чылы» деп юбилейлиг медаль-биле шаңнаан.
ТР-ниң орук-транспорт сайыдының өөрүп четтириишкиннерин Тываның авиация шугумунуң чолаачылары Андрей Дорофеев биле Мөңгүлек Балчырга тывыскан.

Кызылдың транспорт техникумунуң чогаадыкчы коллективи чолаачыларга аян тудуп, солун концертин бараалгаткан.

ТР-ниң Орук-транспорт яамызының медээзинден.