Тес-Хем биле Өвүр девискээриниң аразында өрттү өжүрер дээш бо ийи кожууннуң эр хиндиктиг чонувус бүгү күжүн үндүрүп тур. База Аэромобильный өрт өжүрер бөлүк Кызылдан келген.
Ак-Чыраа суурже 3 км чедир чоокшулаан өртү өжүрдүвүс. Мында ниити 140 даа хире кижи бар бис. Кожууннуң дүрген дуза чедирер эмчилери база бисче үнүпкен. Кайы-даа адырдан дуза херек-тир, бот-боттарывыс демнежип, деткижип, күжүвүс үндүрүп тургаш, өрттү ожүрүп алыры мурнувуста бо үеде бир дугаар кол сорулга.
Мындыг улуг айыыл халапты болдурбас дээш чонумну дилээр дир мен, кижи бүрүзү харыысалгалыг болуп көрээлиңер. Хайыраан черивис, кижилерниң күжүн, ажылын үнелээлиңер.
Өрттү өжүрер дээш ам-даа ажылдап тур бис.
