2023 чылдыӊ 1-ги чартык чылында «Шын» биле «Тувинская правда» солуннарны 2022 чылдыӊ сентябрь 15-тен декабрь 20-ге чедир үе дургузунда чагыдып алганы дээш өртектиг шаӊналдар ойнадыышкынын «Тывамедиагрупп» медиахолдинг чарлаан.
Чагыдылганы podpiska.pochta.ru деп онлайн сайтка азы «Россияныӊ почтазы» Федералдыг күрүне унитарлыг бүдүрүлгениӊ кайы-даа почта салбырларынга кылдырып алгаш, ооӊ квитанциязыныӊ хоолгаларын «Тывамедиагрупп» парлалга бажыӊынче чорудуп турган.
Өртектиг белектер ойнадыышкынынга 156 чагыдыкчы киришкен. «Шын» солунну – 140, «Тувинская правда» солунну 16 кижи чагыдып алган квитанциязыныӊ хоолгаларын чорудуп берген. Сүт-Хөл, Өвүр, Чөөн-Хемчик кожууннарныӊ номчукчулары эӊ-не идепкейлиг киришкен. Ойнадыышкынны душ болуп дүшкен саннардан шилиир арга-биле эрттирген.
Эӊ-не кол шаӊнал- ды – Смарт ТВ телевизорну – С.Н. Доржу ойнадып алган. Өртектиг шаӊналдарны дараазында чагыдыкчылар алыр:
– аъш-чем аймаа хоюдар ийи блендерни З.Б. Ооржак биле Т.М. Манын-оол, электри-биле ажылдаар хөнекти У.К. Куулар, мультиварканы М.С. Донгак, термопотту (электрилиг ишкир хөнек болгаш термос) Р.Д. Ооржак; микроволновка биле «Сеткилимниӊ ханызындан» хөгжүмнүг дамчыдылганыӊ сертификадын В.Ч. Тежит ойнадып алганнар.
«Сеткилимниӊ ханызындан» хөгжүмнүг дамчыдылганыӊ 40 хуу чиигелделиг сертификадын дараазында ады кирген чагыдыкчылар ойнадып алган: Ч.С. Монгуш, О.О. Кужугет, Б.Ч. Саая, Д.Д. Монгуш, С.А. Соскут, С.С. Ондар, А.А.-С. Салчак, Б.А. Монгуш, А.Д. Монгуш, Е.В. Ондар, С.Д. Ондар, Н.Ш. Монгуш, С.Монгуш.
Шаӊналдарны ТР-ниӊ күрүне автономнуг албан чери «Тывамедиагрупп» парлалга бажыӊынга чедип келгеш, ап алыр.
Адрези: Кызыл хоорай, Красноармейская кудумчузу, бажыӊ 100, кабинет 309.
Телефону: 8(39422)2-18-10,
8-923-267-0749.
ИНН 1701062430 КПП 170101001
12+ реклама
Тиилекчилерге байыр чедирип тур бис!
19 января 2023
36