Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Туранның дузалал станциязы

24 декабря 2023
18

Тываныӊ төп болгаш чөөн кожууннарын электри энергиязы-биле хандырып турар «Туран» 220кВ күчүлүг дузалал станцияны чаартып кылып эгелей берген.

Бо энергия объектизиниӊ чанынга амгы үениӊ хандырылга төвүн тургузар. Красноярск крайдан дамчып келир электри энергиязыныӊ күчүзүн улгаттырар чери ол болур. Ак-Сугнуӊ демир рудазын казып тывар комбинадын, Кызылдыӊ чоок-кавы девискээрин, ниити 130 муӊ ажыг чурттакчылыг Тожу кожуунну хандырар энергияны база ооӊ дузазы-биле дамчыдар.

Бо бүгү ажылдарны РФ-тиӊ Чазааныӊ Даргазыныӊ оралакчызы
Александр Новактыӊ бадылаан планы ёзугаар кылып турар. Ол дээрге ТР-ниӊ девискээринде үлетпүр болгаш социал адырны энергия-биле хандырарыныӊ инвестиция төлевилелиниӊ комплекстиг планы болур.
«Шушенская – опорная-Туран» деп электри дамчыдар шугумнуӊ хериизи – 238 км. Ону доозупкаш, «Туран» дузалал станциязынга кожуптар.

Энергетиктер Красноярскының «Шушенская-опорная» дузалал станциязыныӊ кол хандырылга төвүн база улгаттырар. Бо хемчеглерниӊ ниити өртээ – 25 млрд ажыг рубль.

«Туран» дузалал станцияны чаартып кылыптарга, ол херек кырында 50 МВА күчү-шыдалдыг, энергия четкизин камгалаар болгаш энергияныӊ күжүн таарыштыр өйлээр комплекстиг микропроцессорлуг энергетика объектизи болур.

Ооң девискээринге российжи бүдүрүлгениӊ бедик камгалалдыг коммутация аппараттарлыг болгаш 220 кВ тус-тузунда тарадыр беш аӊгы ажык ячейкалар турар. Оон аӊгыда, 35кВ биле 10кВ күчүлүг энергияны тарадыр техниктиг дериг-херекселдерни тургузар тудугну кылыр. Агаар-бойдустуӊ байдалындан технология үрелип болур. Ынчангаш оларны муӊгаш тудуг иштинге тургузар.

Туран чоогунга дузалал станцияда ийи электри дамчыдар шугумнарны кожуп каан. Бирээзи – Красноярск крайныӊ Ергаки дузалал станциязы, а өскези – Тываныӊ кол «Кызылская» деп дузалал станциязы.
«Туран–Туманная» деп 312 км херии черде электри дамчыдар шугумну тудуп турар. Ону Россети компанияныӊ сайтызындан (220 Кв күчүлүг https: //t.me//rosseti_officiaI3470) көрүп болур.

Келир үеде «Шушенская-опорная–Туран» биле «Туран–Туманная» деп электри дамчыдар шугумнарын тудуш кылдыр кожуптар.

Тываныӊ Чазааныӊ медээлеринден Р. ДЕМЧИК белеткээн.

“Шын” №98 2023 чылдың декабрь 23