Тыва эр кижиниң үш адаан оюнунуң бирээзи – ча адары. Наадым байырлалында «Тыва ча адар оюн: баг адар хевири» деп республика чергелиг мөөрей Тос-Булакка болуп эрткен. Аңаа республиканың аңгы-аңгы кожууннарының төлээлери сонуургалдыы-биле киришкен.
Мөөрейниң эң-не часпас адыгжызы Сүт-Хөл кожууннуң төлээзи Ринчен Ондар 1-ги черни чаалап ап, тиилекчи болган. 2-ги черни Барыын-Хемчик кожууннуң төлээзи Эрес Ооржак, 3-кү черни Кызыл кожууннуң төлээзи Артыш Мортуй-оол, 4-кү черни Сүт-Хөлден Найыр Сарыглар, 5 дугаар черни Барыын-Хемчиктен Артыш Моңгуш, 6-гы черни Чөөн-Хемчиктен Сылдыс Моңгуш, 7 дугаар черни Бай-Тайгадан Кежик Успун, 8 дугаар черни Өвүрден Айдың Маадыр-оол олар алганнар. Тиилекчилер акша сертификаттары болгаш өртектиг белектер-биле шаңнаткан.
Айдың ОНДАР.
Буян ООРЖАКТЫҢ тырттырган чуруктары.
"Шын" №61, 2023 чылдың август 19
