Тыва үндезин культура төвү «Тыва чоннуң чаңчылчаан культуразының эдилекчилериниң электроннуг шыгжамыры» деп улуг төлевилелди кылып, май айдан эгелеп тускай ажылды чорудуп эгелээн.
Тыва чаңчылчаан культураның эдилекчилеринге ус-шеверлер, тоолчулар, хөөмейжилер, ыраажылар, билигжилер, хамнар, домчулар, бижээчилер, чазаныкчылар, даараныкчылар, тыва чаңчылчаан культураның шинчилекчилери болгаш оон-даа өске салым-чаяанныглар хамааржыр.
Чаа эгелеп турар чугула төлевилелге идепкейлиг киржип, тыва чаңчылчаан культурага хамаарышкы дег кижилерниң дугайында медээлерни дамчыдып, амы-хууда архивиңерде чуруктар, видеолар, бижимел ажылдар (статьялар) дээш оон-даа өске чүүлдер бар болза, оларны чыып, электроннуг шыгжамырны долдурары-биле чогуур шаанче дузалажып, сырый харылзаалыг ажылдаарын Тыва үндезин культура төвүнүң ажылдакчылар чондан улуу-биле дилеп турар.
Харылзажыр дугаар: 2-35-59
#Тываүндезинкультуратөвү#Электроннугшыгжамыр#Тывачоннуңчаңчылчаанкультуразыныңэдилекчилери
Тыва чонга ажыктыг төлевилел
16 мая 2023
24