Тыва Республикада өрттер болгаш үерлээшкин талазы-биле оперативтиг байдал

Республика девискээринде 1389,8 га ниити шөлдү шыва алган 16 арга-арыг өрттери хып турар:
- Кызыл кожууннуң Черби арга-арыг ажыл-агыйының девискээринде 2 өрт;
- Каа-Хем кожууннуң Сизим арга-арыг ажыл-агыйының девискээринде 5 өрт;
- Тожу кожууннуң «Азас» заповеднигиниң база Тоора-Хем арга-арыг ажыл-агыйының девискээринде 5 өрт;
- Таңды кожууннуң Бай-Хаак арга-арыг ажыл-агыйының девискээринде 2 өрт;
- Улуг-Хем кожууннуң Арыг-Үзүү арга-арыг ажыл-агыйының девискээринде 1 өрт;
- Бии-Хем кожууннуң Белозерское арга-арыг ажыл-агыйының девискээринде 1 өрт.
67 хуузунда чаңнык дүшкенинден өрттер үнүп турар.

Авиаөрт албанының, арга-арыг өрт станциязының, өрт кезектериниң арга-арыг камгалалындан, парашютчу-десант өрт албанының ажылдакчыларындан тургустунган шупту 289 кижи өрттер өжүреринге хаара туттунган. Тываның Арга-арыг ажыл-агыйының курлавырында ам-даа 89 кижи база 103 санныг техника белен.

Оруктарны катап кылыр дээш дараазында черлерде шимчээшкинни кызыгаарлаан:
Суг-Аксы – Баян-Тала аразында ояр орукту түр ажыткан.
Абакан – Ак-Довурак, Чадаана — Ийме, Чадаана – Бажың-Алаак, Суг-Аксы – Алдан-Маадыр, Ак-Тал суурже кирер оруктарда үрелиишкиннер улуг болганындан, оюп халдыр оруктарны тырткан.
10 тудуг организациязы, 33 санныг техника аймаа, 36 орук ажылдакчызы автооруктарны ажаап-карактап турар.

Июнь 17-де бүгү республикада онза байдал чуруму чарлаттынган. А июнь 20-ден регионалдыг арга-арыгларда “Онза байдал” чурумун катап киирген. Июнь 22-де өртке удур онза чурумну узаткан.