Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тыва Республиканың хүнү болуп эрткен

22 ноября 2023
18

Дүүн, ноябрь 21-де, Улус ажыл-агыйының чедиишкиннериниң бүгү-россия делгелгезинге (ВДНХ) Бүгү-делегей чергелиг “Россия” делгелге-шуулганының иштинге Тыва Республиканың хүнү болуп эрткен. Ооң хемчеглери хары-угда каш янзы шөлдерге – бистиң республиканың делгелге шөлүнге, а ол ышкаш культурлуг төлевилелдерниң девискээринге болгаш кол кудумчу сценазынга болуп эрткен. Аңаа “Енисейниң бажын алган чери” деп концертти бараалгаткан.

Регионнуң сөөлгү алды чылда хөгжүлдези болгаш чедиишкиннери-биле Тываның Баштыңы Владислав Ховалыг таныштырган. Ажыл-херекчи девискээрге “Келир өйже инвестициялар. Тываның хөгжүлдезиниң кедилиг угланыышкыннары” деп стратегтиг сессия болуп эрткен. Ооң ажылынга РФ-тиң Үлетпүр болгаш садыг яамызының металлургия болгаш материалдар департаментизиниң оралакчы директору Владислав Демидов, РФ-тиң транспорт сайыдының оралакчызы Валентин Иванов, РФ-тиң Экономиктиг хөгжүлде яамызының регионалдыг политика департаментизиниң директору Дмитрий Косткин, Россияның регионнарының хөгжүлдезиниң инвестиция болгаш инновация адырында регионнар экономиказының төвүнүң удуртукчузу Марат Фаттахов, «Енисей Сибирин хөгжүдер корпорация» деп автономнуг саарылга чок организацияның чиңгине директору Сергей Ладыженко олар киришкеннер.

Туризм адырынга Тываның арга-шинээниң дугайында чугаалап берген, аңаа "Тыва инкогнито" деп чаа турисчи угну таныштырган. Маңаа-ла бо маршруттуң талазы-биле путёвкаларның ойнадыышкыны болган.

Тыва Республиканың «Көшкүннерниң делегейи» деп аас чогаал ансамбльдериниң чыынды программазын көргүзүп, тыва чоннуң куда ёзулалдарын аңаа таныштырган. Тываларның культуразынга хөөннежиксээн кижилерге “Алаш” ансамблиниң хөөмей-сыгыдының үделгези-биле интерактивтиг лекцияны эрттирген. Ол-ла хүн «Скиф салгал: Тываның Хааннар шынаазының алдыны» деп лекция болуп эрткен. Тываның хүнү республиканың билдингир артистериниң болгаш чогаадыкчы коллективтериниң кол кудумчу сценазынга “Енисейниң бажын алган чери” деп концерт-биле доозулган.

А. ХЕРТЕК белеткээн.

Ада ТЮЛЮШТУҢ тырттырган чуруктары.


«Шын» №89 2023 чылдың ноябрь 22