Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тыва Республиканың Күш-ажылдың Маадыры

26 ноября 2022
9

“Тыва Республиканың Күш-ажылдың Маадыры” атты доктаатканындан бээр 2022 чылдың ноябрь 27-де үш чыл болур.

“Тыва Республиканың Күш-ажылдың Маадыры” атты эң-не баштай 2019 чылдың декабрь 30-де хары угда ийи кижиге тывыскан: ТР-ниң Одаар чүүл болгаш энергетика яамызының электри четкилериниң мастери Владимир Мончук-Холович Донгакка, “Энергострой” КХН-ниң директору Николай Антонович Крапивинге.

Дараазында 2020 чылда “Тыва Республиканың Күш-ажылдың Маадыры” атты Тыва Республиканың алдарлыг ажылдакчызы, Тыва Республика ордениниң эдилекчизи, Мөңгүн-Тайгада “Мөген-Бүрен” КУБ-туң удуртукчузу Өшкү-Саар Аракчааевна Ооржакка тывыскан.

Тыва Республиканың девискээринде чурттап, ажылдап турар Россия Федерациязының хамаатыларынга, (РФ-тиң хамаатызы эвес кижилерге база) чурттуң социал-экономиктиг хөгжүлдезинге киирген улуг үлүг-хуузу дээш “Тыва Республиканың Күш-ажылдың Маадыры” атты доктаадыр дугайында шиитпирни 2019 чылдың ноябрь 27-де Тыва Республиканың Дээди Хуралы хүлээп алган.

Республиканың күш-ажылчы коллективтериниң, тус чер бот-башкарылга органнарының, Тыва Республиканың күүседикчи органнарының, Тыва Республиканың Дээди Хуралының (парламентизиниң), ол ышкаш Тываның хөй-ниити организацияларының саналдап кииргенин барымдаалап, “Тыва Республиканың Күш-ажылдың Маадыры” атты Тыва Республиканың Баштыңының Чарлыы-биле тыпсыр. “Тыва Республиканың Күш-ажыл Маадыры” ат-биле шаңнатканнарга алдын медальды, 100 000 рубль шаңнал акшаны Тыва Республиканың бюджединден бээр.

“Тыва Республиканың Күш-ажылдың Маадыры” атты ооң мурнунда Тыва Республиканың “Шылгараңгай күш-ажыл дээш” деп медалы-биле шаңнаткан кижиге тыпсыр. Бо бедик атты чылда чүгле чаңгыс кижиге тыпсыр, чаңгыс ол-ла кижиге ийи катап тыпсып болбас. Мындыг шыңгыы негелделер “Тыва Республиканың Күш-ажылдың Маадыры” аттың чоннуң аразынга үнелелин дыка көдүрген. “Шылгараңгай күш-ажыл дээш” деп медальдың ужур-утказы база бедээн.

Күш-ажылдың маадырларынга алдар болгаш хүндүлел!

Бистиң корр.

false
false
false