Чадаана, Ак-Довурак хоорайларда, Каа-Хем кожууннуң Сарыг-Сеп суурунда “Ада-чурт камгалакчыларының” фондузунуң салбырлары ажыттынган. Фондунуң социал координатору Чойганмаа Куулар Чөөн-Хемчик, Сүт-Хөл, Өвүр кожууннарның чонун хүлээп ап турар. Специалистиң олурар кабинеди Чөөн-Хемчик кожууннуң чагыргазының оран-савазында: Чадаана хоорайның Ленин кудумчузунда 42 дугаар бажың, 202 дугаар кабинет.
Ак-Довурак хоорайның, Барыын-Хемчик, Бай-Тайга кожууннарның чону Ак-Довурак хоорайның чагыргазының оран-савазында чонну хүлээп турар социал координатор Дозураш Садыковага барып болур: Комсомольская кудумчузунда 3А дугаар бажыңның 3-кү каъдында 304 дугаар кабинет.
Каа-Хем кожууннуң социал координатору Артур Иргит ук кожууннуң чагыргазында ажылдап турар: Сарыг-Сеп суурнуң Енисейская кудумчузунуң 143 дугаар бажыңның 1-ги каъдында 106 дугаар кабинет.
Күрүне фондузунуң специалистери ажыл хүннеринде: эртенгиниң 09:00 шактан кежээкиниң 18:00 шакка чедир ажылдап турар. Дүъштээр шагы: 13:00 шактан 14:00 шакка чедир.
Ооң мурнунда “Ада-чурт камгалакчылары” фондунуң социал координаторлары дайынчы хөделиишкиннер хоочуннарын, тускай шериг операциязынга амы-тынындан чарылган шериглерниң чоок кижилерин чүгле Кызыл хоорайга болгаш Кызыл, Улуг-Хем кожууннарга хүлээп ап турган.
Удавас Бай-Хаакка болгаш Хову-Аксынга база социал координаторлар ажылдап эгелей бээрин фондунуң парлалга албаны дыңнаткан.
Бистиң корр.