Росхереглелхайгааралдың Тывада эргелелиниң дыңнадып турары-биле, республика девискээринде грипп болгаш ОРВИ-ден аараан улустуң саны неделя дургузунда 1157 кижи чедир өскен.
Грипптен хөй аарып, эмнелгелерге кээп турар улустуң аразындан 15 хардан өрү назылыгларның саны 408 кижи четкен. Оон өске хар-назылыглар аразында ОРВИ-ден аараан 242-270 таварылгалар демдеглеттинген.
Неделя дургузунда 175 аарыг улус, ооң иштинде 14 харга чедир 128 бичии уругларны эмчиге чыттырган.
Кызыл хоорайда эрткен неделяга көөрде, ОРВИ-ден аараан улустуң саны 428 чедип, 26, 5 хуу көвүдээн.
Эмнелгелерже 76 аарыг улусту, ооң иштинде 14 харга чедир 45 бичии уругларны чыттырган.
Декабрь айның эгезинден тура грипптен аараан 90 лабораторлуг бадыткалдыг таварылга, ооң иштинде 42 таварылгада грипптиң A/H1N1 хевири демдеглеттинген.
Тывада грипп болгаш ОРВИ-ден аараан улустуң саны өзүп турар
20 декабря 2022
32