Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тывадан сес башкы киржип турар

5 октября 2023
25

Октябрь 3-те Москвага класс удуртукчуларының шуулганы бодунуң ажылын эгелээн. Ол болза Башкының болгаш дагдыныкчының чылында кол болуушкун болур. Россияның бүгү регионнарындан школа өөредилгезиниң 3 муң идепкейжилерин болгаш ортумак өөредилге черлеринде бөлүктерниң кураторларын ук шуулган чыгган. Аңаа Тывадан сес башкы киржип турар.


Айлана Монгуш, Наталья Бондаренко, Ольга Бугрова, Айгуль Монгуш, Хорагай Иргит, Мая Куулар, Татьяна Лицкевич, Ольга Сергеева олар 60000 кижиниң аразындан хөй чадалыг нарын шилилгени эрткен. Ук шилилге бодунче педагогиканың үндезиннериниң талазы-биле, “Чугула чүүлдерниң дугайында чугаа” деп кичээлден дашкаар кичээлдерге айтырыгларны, класс удуртукчузунуң тренажерун болгаш видеочалалгаларны хаара туткан.

Тыва Республиканың лицейиниң төөгү болгаш ниити билиглер башкызы Татьяна Лицкевич ук шуулганның дугайында мынчаар чугаалап турар: «Мен бо шуулганга ооң тургустунган үезинден бээр киржип турар мен. Баштайгы чылдарда башкылар ниитилежилгезинге ооң херектииниң дугайында билиишкин турбаан, ам шуулган бүгү-ле киржикчилерге езулуг-ла байырлал болган. Ону организастап тура чаңгыс-даа үүрмек чүүлдү адып кагбайн бодап каан-дыр, ооң деңнелиниң бедии кайгамчык! Сөс алган кижилер, хемчеглер эртер шөлдер, мастер-класстар, киржикчилерниң боттары – кайгамчыктыг деңнел-дир» — деп, Татьяна Лицкевич демдеглеп турар.

Класс удуртукчуларының шуулганы октябрь 7-ге чедир үргүлчүлээр болгаш башкыларга джаз оркестриниң концерти-биле доостур. Педагогтарны чүгле коллегалары-биле ужуражылгалар эвес, а мастер-класстар, лекциялар, таныштырылгалар, шаңнаашкыннар, ат-сураглыг кижилер-биле таныжылгалар болгаш өөредир программалар манап турар.
Онлайн-хевир-биле кандыг-даа кижи шуулганның программазынга каттыжып болур: Класс удуртукчуларының шуулганында (ФКР-де) https://vfkr.ru/ болгаш Вконтактеде https://vk.com/vfkr_ru.

Россияның Президентизиниң даалгазынга дүүштүр шуулганны Россияның Чырыдыышкын яамызы эрттирип турар. Класс удуртукчуларының шуулганының стратегтиг партнеру — регионнарны эргелеп-баштаар төптүң «Диалог Регионы» деп автономнуг саарылга чок организациязы.

А. ХЕРТЕК белеткээн.