2022 чылда кадык камгалал адырынга эмчи кадрлар чедишпезиниң айтырыын шиитпирлээри – чугула айтырыгларның бирээзи турган.
Тывага 2022 чылдың дургузунда 211 эмчи немешкен. Оларның аразында ординатура доозукчулары – 94, эмчиниң дээди өөредилге черлериниң доозукчулары — 28, өске регионнардан хаара туттунган эмчилер — 89 четкен.
Республикаже эмчилерни хаара тударынга “Көдээ черниң эмчизи” федералдыг программа салдарлыг болган. Ынчалдыр ук программа-биле 23 эмчи Ямал-Ненецк, Сахалин, Иркутск, Амур, Кемерово, Новосибирск областардан, Москва, Якутия, Хакасия, Ханты-Мансийскиден келген.
Оон аңгыда, республика девискээринге регионалдыг программаларны чедимчелиг боттандырган. Оларның дузазы-биле чаңгыс удаа алыр 1 сая рубль, беш чыл дургузунда чыл санында 200 муң рубльди бээр деткимчени эмчилер алган.
Тывага 2022 чылда 211 эмчи немешкен
16 декабря 2022
33