Делегейде улуг сайзыралды алган компьютер оюннарынга маргылдаалар Тывада база калбарып турар. Ону мырыңай спорттуң бир хевири - киберспорт деп адап турар. Маргылдаа интернет четкизин таварыштыр болуп турар болганда, бөмбүрзектиң кайы-даа булуңундан командалар аңаа киржип болур.
Апрель 11-16 хүннеринде бир дугаар Тывага киберспортка республика чергелиг Чемпионат болуп эрткен. Аңаа 56 команда киришкен. Чемпионаттың киржикчилери Калинградтан Улун-Бааторга чедир калбаргаш, ниити саны 360 кижи четкен. Киберспортта колдуунда 30 хар чедир аныяктар киржип турар.
Чемпионат Тываның Киберспорт федерациязы, ТР-ниң Аныяктар херектериниң талазы-бие агентилел болгаш ТР-ниң Спорт яамызының деткимчези-биле Кызылдың Төп киберспорт ареназынга эрткен.
Ниити шаңнал фондузу 100 муң рубль дээш #CSGO оюнга - 24 команда, #DOTA2 оюнга - 33 команда ойнаан. Түңнелинде,
#CSGO деп оюнга командалар арзынга:
1-ги черни- “Мөгелер”;
2-ги черни- "Red_Night_RE";
3-кү черни -"Svastonyy" алган.
#DOTA2 :
1-ги черни- "Heaven";
2-ги черни- "Smoke enjoyers";
3-кү черни -"Winx?" алган.
Ол ышкаш #CLASHROYALE деп оюнга Валерий Куулар тиилекчи болган. Начын Иргит -2 ги черни алган, Шораан Олзей-оол 3-кү черге төлептиг болган.
#STARCRFATII деп оюнга Валерий Куулар тиилекчи болган. Антон Седен -2 ги черни алган, Саян Чамзырын 3-кү черге төлептиг болган.
Чемпионаттың шыырак киржикчилеринден Тываның чыынды командазын тургускан. Олар апрель 29-та болур 2023 чылдың Россия Чемпионадынга СФО-нуң шилиндек командаларының аразынга Тываны төлээлеп киржир.
#Шынсолун#resf17 #КиберспортТувы #ФКСТыва #ДвижениеПервых
