Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тывага национал тѳлевилел ёзугаар харык-шинээ кызыгаарлыг улуска комплекс тудар

4 апреля 2024
7

Каа-Хем кожууннуӊ Дерзиг-Аксы суурунга турум ажаалда негеттинип турар хамаатыларга бажың-интернат тудуу туттунуп турар. Социал албан черниӊ чаа тудуу Россияныӊ Президентизи В. Путинниӊ эгелекчи саналы-биле “Улуг назылыг салгал” деп федералдыг тѳлевилел ёзугаар туттунуп турар. Тудугну хайгаарап турар Күш-ажыл болгаш социал политика яамызыныӊ дыӊнадыы-биле алырга, тудуг ажылы бо хүнде 36 хууда чоруп турар.

Тудуг ажылын “Тускай хуу тудугжу “Бастион” КХН албан чер тудуп турар. Тудуг шѳлүнде 30 кижи ажылдап турар болгаш колдуунда тус черниӊ ажылдакчылары хаара туттунган, оон аңгыда, Абакандан тускай мергежилдиглер база чалаттырып келген. Автокран, экскаватор, чууктаар болгаш чүдүрүкчү машина дээш 7 тускай техника ажылдап турар. Бо хүнде тудугжулар кол корпустуӊ бирги каъдыныӊ ханазын арматуралаар, интернаттыӊ суг чорудар хоолайларын кожар ажылдарны чорудуп турар.

Чаа тудугга долузу-биле ажаакчыларныӊ хайгааралы негеттинер харык-шинээ кызыгаарлыг 180 кижини хүлээп алыр кылдыр санаан. Ооӊ ниити шѳлү 13 426 кв. метр. План ёзугаар кол корпустуг улуг комплекске эмчи болгаш социал дуза чедирилгезин чорудар, ийи чуртталга корпустуӊ ѳрээл бүрүзүнге ийи оруннуг, арыгланыр, чунар черлерлиг кылдыр тѳлевилеп турар. Администрация кезээнге хостуг үезин эрттирер кѳрүкчүлер залы, кинопроект, ном саӊныг номчулга залы, бѳлгүмнер ѳрээлдери, ыры-хѳгжүм-биле кичээлдээр шѳлдер турар. Эмчи кезээнде тускай дериглер-биле дериттинген диш болгаш херээжен улустуӊ эмчизиниӊ кабинеттери, сенсорлуг ѳрээлдер турар.

Тудуг ажылы эрткен чылдыӊ чазын эгелээн. Күрүне керээзи ёзугаар тудуг объектизиниӊ бүгү ажылдары 2026 чылда долузу-биле доостур. Чаа тудугну Дерзиг-Аксыныӊ бажы5-интернадында социал дуза чедирилгезин ап турар 156 улуг улуска, 24 уругга дамчыдып бээр.

Бистиң корр.

Чуруктарны интернет четкизинден алган.