ТЫВАНЫҢ АГАР САНЫН АЖЫТКАН.

Украинада тускай дайынчы операцияда киржип турар Тывадан дайынчыларга дуза кылдыр акша чыылдазын “Улусчу фронт. Шупту чүвени тиилелгеге!” төлевилел эгелээн. Чыгдынган акша шупту Тыва Республиканың агар санынче кирер.
Чыылдага киирген силерниң акшаңар агар санче кире берзин дээш, мобилдиг телефоннуң камеразын айыттынган баннерде QR-кодче углапкаш, акшаның түңүн бижээш, төлеп каар. Тыва Республикадан дайынчыларга болгаш эки турачыларга кончуг чугула бүгү-ле чүүлдерни садып чорударынга чыгдынган акшаның шуптузун чарыгдаар.
Органициялар болгаш банк карталарын ажыглап турар кижилер pobeda.onf.ru сайтта реквизиттер дамчыштыр акшаны чорудуп болур арга база бар. Силерниң кичээнгейиңерге! Төлевир дугайында мынчаар демдеглеп каары чугула: sbor.17. Чүгле ынчан силерниң чоруткан акшаңар бистиң республиканыы боор.
“Шупту чүвени тиилелгеге!” төлевилел Россияда 4 ай дургузунда ажылдап турар. Дуза бүгү чурттан кээп, тускай шериг операцияның киржикчилеринге деткимче кылдыр 2,8 млрд. рубль чыгдынган.
Украинада дайынчы хөделиишкиннерден когараан дайынчыларга болгаш тайбың чурттакчыларга чүс-чүс килограмм деңзилиг гуманитарлыг дузаны Тываның улусчу фронтузу чоруткан.
Дуза чедирерин уламчылап, “Улусчу фронт. Шупту чүвени тиилелгеге!” төлевилелдиң чорудуп турары регионда акша чыылдазынга киржиринче республиканың чурттакчыларын болгаш организацияларын кыйгырып тур бис.
Улусчу фронтунуң Тыва Республикада күүседикчи комитеди Тывадан дайынчыларга идик-хеп, эт-сеп чыылдазын уламчылап турар – Кызыл хоорай, Кочетов кудумчузу, бажың 30, каб. 26. Харылзажыр телефон 8(39422) 2-10-50.