Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның Баштыңы Автомобилистер хүнү-биле байыр чедирген.

30 октября 2022
4

Чылдың-на октябрь айның сөөлгү улуг-хүнүнде Россияга Автомобилист хүнүн демдеглеп эрттирип турар. "Дугуйлар кырында" республика болганывыста шак бо хүн Тывада машина-балгат башкарыкчыларының доозузаның байырлалы кылдыр санаттынып турары билдингир. Ынчалза-даа бир дугаар ээлчегде шак бо хүнде улуг харыысалгалыг чолаачы мергежилдиг кижилерге чылыг-чымчак байыр чедириишкиннери онаажыр. Ынчангаш Тываның Баштыңы Владислав Ховалыг чолаачы мергежилдиң эдилекчилеринге байырын чедирген.
"Автомобиль болгаш хоорай транспортунуң ажылдакчызының хүнү Тывада профессионал байырлалдардан эң-не улусчу, чончу байырлыл болуп турары чугаажок. Бисте чүгле экономика эвес, а барык бүгү амыдыралывыс автоаргыштырылга ачызында туттунуп турар болгай. Ынчангаш республикада чолаачылар болгаш автоаргыштырылга системазынга хамаарылгалыг кижилерниң доозазы (механиктен слесарьга чедир) - күш-ажылы кезээде чугула херек болуп турар хүндүткелдиг кижилер-дир.
Хүннүң-не, агаар-бойдус кандыг-даа байдалдыг турда, эң-не ырак дээн суурларже автомобилистер республикага чугула херек чүъктү чедирип, чурттакчы чонну аргаштырып турар. оларның ачызында бис бо хүнде Тываның чамдык суурлары чедери берге турган дээрзин уттупкан бис. Ол бүгү ачы-хавыяазы дээш ук адырның бүгү ажылдакчыларынга, хоочуннарынга өөрүп четтирип, чавыс мөгеер-дир бис, силер автотранспорт системазын тургускаш, кадагалап арттырып чоруур силер. Силер-биле кады демнежип тургаш, ук адырны чаа чадаже хөгжүдүп, доктаамал пассажирлер аргыштырылгазын дагын тургузар сорулгалыг бис. Шак ындыг сорулга-биле республикада оруктарны чаартып, орук инфраструктуразын тургузуп база чаартып, сайзырадып турар бис.
Пассажирлерге таарымчалыг болгаш айыыл чок бедик негелделерни тургускаш, доктаадып, республиканың чурттакчы чонунуң ыңай-бээр хостуг аргыжар байдалдарны тургузуп, социал деткимче негеттинип турар чаңгыс чер чурттугларывыска аргыжылгага чиигелделер дээн ышкаш деткимче хевирлерин ажылдап кылып, боттандырарынга доктаамал аргыжылга чугула негеттинип турар. Силерниң дузаңар-биле шак болгаш өске-даа чидиг айтырыгларны шиитпирлептеривиске бүзүреп тур мен.
Байырлал-биле! Силерге база чоок улузуңарга быжыг кадыкшылды, чаагай чорукту база айыыл чок оруктарны күзедим!" - деп, Владислав Ховалыг социал четкиде бодунуң арыннарынга бижээн.
И. Санчат.

Чурукту интернеттен алган.