Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның Баштыңы чаагайжыдылга объектилери дээш идепкейлиг соңгуурунче чаңгыс чер чурттугларын кыйгырган

26 мая 2023
24

“Чурттаар чер болгаш хоорай хүрээлеңи” национал төлевилелдиң “Таарымчалыг хоорай хүрээлеңин хевирлээри” регион төлевилелиниң күүселдези-биле 2024 чылда чаагайжыдар хөй-ниити девискээрлери дээш бадылаашкынның төнеринге чедир алды хонук арткан.

Тываның Тудуг яамызының майның 25-те рейтингизинден алырга, Барыын-Хемчик болгаш Чөөн-Хемчик кожууннарның чурттакчылары эң идепкейлиг бадылап турар. Найысылал биле Кызыл кожуун “кудуруунда” артпышаан. Тываның Баштыңы Владислав Ховалыг социал четкилерде блогу таварыштыр бодунуң хоорайы азы сууру чаартынарынга дузалажыр кылдыр кыйгырыгны регионнуң чурттакчыларынга кылган.

— Таарымчалыг хоорай хүрээлелин хевирлээри берге эвес. Ону кылырда https://clck.ru/34AeQ3 сайтыже киргеш, силерге таарышкан дизайн-төлевилел дээш үнүңерни бээр силер. Май 31-ге чедир четтигер херек – деп, губернатор бадылаашкынның чурумун сагындырган.

Ол эң таарзынганы төлевилелдерни: Кызылда ТШО киржикчилери —маадырларга паркты, Механизация биле Семирацкий кудумчулар белдиринде девискээрни, Кызыл кожууннуң Элегес-Аксы суурда аныяктар сесерлиин, Чаа-Хөл суурда дыштанылга сесерлиин адаан.

Удавас, Уруглар камгалалының хүнүнде, национал төлевилел боттанылгазы-биле Туранда чаагайжыттынган паркты байырлыы-биле ажыдар. «Бир дугаар көжүп келген орус чон парыгы» төлевилел 2018 чылда биче хоорайларга база төөгүлүг суурларга таарымчалыг хоорай хүрээлелин тургузар Бүгү-российның тулган төлевилелдер конкурузунга тиилээн. Бо чылын эрги хоорайның парк зоназын эде чаартыр улуг ажылдар доозулган.

Парктың девискээринде брусчатканы чадып, кудумчу чырыын киирип, бичии архитектура тураскаалдарын тургузуп, сандайлар, ойнаар черлерни, бок октаар саваларны тускайлаан. Оон аңгыда орус казанак база тыва өгнү тип, воркаут-шөлдү чаартып, волейбол болгаш футбол шөлдерин тудуп, дыштанылга зоназының төвүнде культура-массалыг хемчеглер эрттирер улуг сценаны белеткээн.

Бо чылын республиканың муниципалитеттери хөй-ниити шөлдерин чаагайжыдар бадылаашкынче 62 төлевилелди идип үндүрген. Бир эвес 51,5 муң хире кижи 30 хире төлевилелди бадылаптар болза, 2024 чылда ол кылдынар. 14 хардан өрү назылыг кижи бүрүзү бадылаашкынга киржип болурун сагындыраал.

/ ТываныЧазааның парлалга албаны.

#Тываныңчазаа #Владиславховалыг #Таарымчалыгхоорайхүрээлеңинхевирлээри #Шынсолун #Медээлер