Чылдың-на апрель 8-те Россияның Чепсектиг күштери профессионал байырлал – Шериг комиссариаттарының хүнүн демдеглеп эрттирип турар. Ол байырлалды РФ-тиң Президентизиниң 2006 чылдың май 31-де үндүргени 546 дугаар Чарлыы ёзугаар демдеглеп эгелээн.
Тываның Чазак Даргазы Владислав Ховалыг шериг комиссариаттарының хоочуннары болгаш амгы ажылдап турар бүгү ажылдакчыларынга байырын чедирген.
«Шеригже келдиртилге кампанияларын үе-шаанда чорудуп, планын күүседиринге бедик профессионалдыг тура сорук болгаш хүлээнген херээнге шынчы бердинген болуру негеттинер.
Шериг комиссариаттарының кол сорулгазы, Россияның Чепсектиг күштериниң шериг кезектери, регионнуң эрге-чагырга органнары болгаш хамаатыларның аразынга харылзаа тудар идегелдиг звено болуру ылаңгыя, бо хүнде, тускай шериг операциязының үезинде, ийи дакпыр бедик харыысалга.
Хүндүлүг шериг комиссариаттарының хоочуннары болгаш ажылдакчылары!
Профессионал байырлалыңар-биле байыр чедирип тур мен! Россия болгаш Тываның хөгжүлдези дээш ак сеткилдиг болгаш идепкейлиг кады ажылдажылгаңар дээш силерге четтидим!”- деп Владислав Ховалыг социал четкиде блогунга бижээн.
#Шынсолун#ВладиславХовалыг#Шеригкомиссариаттарыныңхүнү
