«Хөй-ниити транспортунуң ажылын экижидеринге хамаарышкан чоннуң киирген чагыы күүселдеде — бо чылын чаа таарымчалыг 28 автобус Кызыл хоорай девискээринде база 8 чаа автобус кожууннар аразында чон аргыштырар ажылды чорудуп эгелээн. Найысылал Кызылдан Ак-Довурак хоорайга чедир, Хандагайты, Эрзин суурларже доктаамал халдып турар 3 маршрут ажыттынган» — деп, Тываның Баштыңы дыңнаткан. Оон аңгыда, чыл төнчүзүнге чедир Красноярск хоорайга чедир доктаамал халдыр рейс ажыттынарын В. Ховалыг чугаалаан.
Кожуун, сумулар аразында аргыжылганы сайзырадырынга чаа шагның автовокзалын тудары чугула дээрзин Тываның Баштыңы айыткан. Ук айтырыгны күрүнениң болгаш хууда сайгарылга эштежилгезинге үндезилеп шиитпирлээри-биле чоокку үеде эң-не эки төлевилел дээш мөөрейни чарлаар. А кожууннар чагыргалары маршруттарның оруун дургаар автобустар доктаар вокзал шөлчүгештерин дерип, тургузар хүлээлгелиг.
Тываның Баштыңы В. Ховалыг 2022 чылдың Айыткалынга хөй-ниити транспортунуң чаартылгазының дугайында чугаалаан
16 декабря 2022
34