ТР-ниң орук-транспорт комплекизиниң сайыды Шораан ЧЫРГАЛ-ООЛ:
— Тывада шупту аргыжылганы, чүък сөөртүлгезин автотранспорт-биле боттандырып турар дугуй кырында регион. Ынчангаш республиканың социал-экономиктиг хөгжүлдезинге, кижилерниң хүн бүрүде ажыл-ижинге оруктар улуг ужур-дузалыг. Тывада автотранспорттуң саны барык хүн бүрүде көвүдеп турар болгаш, оруктарны алгыдар, оларны айыыл чок болдурар дээш, Тываның Баштыңының удуртулгазы-биле улуг ажылды эрткен 5 чылда чоруткан. Ооң түңнелдери каракка көскү. Владислав Ховалыгны чон Тываның Баштыңынга база катап соңгуп алганы оруктар талазы-биле эки өскерилгелерни кижилер эскерип турарының херечизи-дир. Оруктар четкизин улам экижидеринге бүгү байдалдар тургустунган, дараазында беш чылда ажылдар улам дүрген болгаш шынарлыг болурунуң аргалары бар.
/ Ш. МОҢГУШ.
Буян ООРЖАКТЫҢ тырттырган чуруу.
Шын” №38 2026 чылдың октябрь 1
"Шын" солуннуң МАХ-каналынга каттыжыңар: max.ru/channel_shyn