ТР-ниң Чазак бажыңынга Тыва болгаш Бурятия республикаларының эртем-техниктиг, садыг-саарылга, экономика болгаш культура адырларынга кады ажылдаар дугайында дугуржулгага ат салырының байырлыг ёзузу болуп эрткен. Тываның болгаш Бурятияның Баштыңнары Владислав Ховалыг биле Алексей Цыденов документиге атты салган.
«Чүгле культура болгаш шажын-чүдүлге талазы-биле эвес, Тываның болгаш Бурятияның чурттакчыларының кижи бүрүзүнге хамааржыр амыдыралдың чугула адырларының хөгжүлдезинге кады ажылдаар ажыл дугайында чугаа чоруп турар. Найысылалдар аразынга чиигелделиг авиарейстер дугуржуп, анаа эвес кады ажылдаан бис. Ук угланыышкынны сайзырадырынга киирген үлүг-хуузу дээш Алексей Самбуевичиге өөрүп четтиргеним илередип тур мен!» - деп, Владислав Ховалыг адын салып тура, демдеглээн.
Дугуржулгага ат салган соонда Тываның удуртукчузу Владислав Ховалыг Бурятияның Чазак Даргазы Алексей Цыденовту регионнар аразында хөгжүлдеге киирген үлүг-хуузу дээш ТАР-ның 100 чыл хөрек демдээниң медалы-биле шаңнаан.
