Республика Баштыңы Владислав Ховалыгның даалгазы езугаар, Тывада кижини арнындан танып каар кылымал угаанныг биометриялыг идентификация системазы 2024 чылда ажылдап эгелээн. Регионалдыг Чурагай яамызы системаның бирги таныышкынын тест чуруму-биле шенээн.
Бүгү системаның кол дериг-херекселдерден аңгыда, 18 видеокамера бар: республиканың найысылалы Кызыл хооорайда 12, арткан 6-зы – Ак-Довуракта. Оларны хөй кижилер чыглыр черлерде, садыг төптеринде, социал ужур-дузалыг объектилерде, стадионнарда, аэропортта база өске-даа хөй-ниити шөлдеринде аскан.
Полицияның бодалы-биле, кем-херек үүлгедиишкиннери болгулаар черлерде «угаанныг» видеокамераларны тургускан. Полицейжилер санын көвүдетпейн, ол черлерге видеохайгааралды организастап, корум-чурум үрээшкиннерин эвээжедип, айыыл чок чорукту хандырар.
Кижини арнындан танып каар камералар – 2013 чылда Тывада боттандырып эгелээн «Айыыл чок хоорай» деп улуг төлевилелдиң бир адыры болур. 2025 чылда ындыг дериг-херекселдер оон-даа хөй апаарын ТР-ниң Чурагай яамызы демдеглээн. 2038 чылга чедир биометриялыг видеохайгаарал четкизи республиканы бүрүнү-биле алыр.