Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның найысылалында фронтучу Георгий Абросимовка тураскааткан чыскаалды кылган

7 мая 2023
15

Май 9-туң бүдүүзүнде Ада-чурттуң улуг дайынының хоочуну Георгий Абросимов манавааны онза белекти алган: дең дески кылдыр чыскаалыпкан, өңгүр чараш кылдыр кеттинген школачылар ооң бажыңының мурну-биле марштап эрткеш, Георгий Васильевичиге байырны чедирген. 2019 чылдан бээр Россияда чүгле чаңгыс хоочунга алдар болдурган чаңчылчаан «Хоочуннуң бажыңының баарынга чыскаал» бүгү-российжи патриотчу акция-биле, майның 5-те Кызыл школаларының аныяк армейжилери база кадеттер чыскаалды эрттирген.
Тываның өөредилге сайыдының албан-хүлээлгезин күүседип турар Елена Хардикова база тускай шериг опреациязының киржикчизи, «Дайынчы акы-дуңма» волонтер ротазының удуртукчузу Ачыты Нурзат школачылар-биле кады фронтучуга байырны чедирген. Оолдар хоочуннуң бажыңының мурнунга марштап, российжи “Юнармияның” “Россияга баан болуп” деп албан езузунуң ыдык ырын база дайын чылдарның ырыларын Георгий Васильевичиге күүседип берген.
Георгий Абросимов ТАР-ның Таңды хожуунунуң Бай-Хаак суурга төрүттүнген, 17 харлыында-ла фронтуже аъттанган. 1944 чылдың августа 3-кү Белорусс фронтуже кирген, 54-кү гвардейжи адыгжы дивизияның составында 163-кү гвардейжи адыгжы полктуң артиллерийжизи болуп дайылдашкан. Фашист эжелекчилерден Калининград облазының девискээрин хостаарынга киришкен. 1945 чылдың январьда балыглангаш, Ижевск хоорайда шериг госпитальга эмнеткен. Оон Свердловск облазында өөредилге-танк полугунуң дайынчы кезэнге шериг албанын уламчап, улаштыр Ыраккы Чөөн чүкче чоруткан. 1950 чылда төрээн черинче ээп чанып келген.
Георгий Васильевич апрельдиң 21-де 97 харлаанын демдеглээн. Тываның Баштыңы Владислав Ховалыг хоочунга чедип, төрүттүнген хүнү-биле байырны боду чедирген. «Георгий Васильевич каржы-дошкун дайын чылдарын база ооң соонда үелерни чурттап эрткен маадырлыг тиилекчи өгбелривистиң көскү төлээзи – деп, Тываның Баштыңы бодунуң блогунда бижээн. – Төрээн Тывазының хөгжүлдезинге кызымак күш-ажылы-биле улуг үлүг-хууну ол киирген».
Фронтучу чиик-сергек, мерген угаанныг олурарын губернатор онзалап демдеглээн. «Хүндүлүг Георгий Васильевичиге каң кадыкшылды, аас-кежикти, узун назынны күзедим!» - деп ол бижээн.
«Юнармия» шимчээшкининиң регионалдыг штавының хоочуннуң бажыңының чанынга организастааны чыскаалга Кызыл хоорайның 5 дугаар гимназиязының, 15 дугаар лицейиниң, 7 база 11 дугаар школаларының , Кызыл кожууннуң Каа-Хем суурнуң кадеттери база аныяк армейжилери, ол ышкаш Тываның кадет корпузунуң кижизидикчилери киришкен.