Эрткен неделяда Кыдат Улус Республикага “Улуг Алтай” деп I кышкы оюннарга маргылдаалар болуп эрткен. Аңаа 2005 чылга чедир төрүттүнген элээди оолдар, уруглар – 154 спортчу киришкен. Оларның аразынга Тывадан Асель Бегзи-Хуурак киришкеш, хары угда үш медальды чаалап алган.
Маргылдаа спорттуң чеди хевиринге болган: конькилиг чарыш, дагдан хаактыг чарыш, сноуборд, шорт-трек, фигурлуг чуңгулаашкын, хаактыг чарыш, болгаш ски-альпинизм.
Асель хаактыг чарышка үш медальды:
Алдын медальды 3 километр хемчээлге ( 1,5 км х1,5 км) скиатлонга;
Бирги черни – спринтиге классиктиг хевирге 1,5 километрге;
Ийиги черни – хостуг стильге 5 километр хемчээлге ниити чарышка алган.
Асель Бегзи-Хуурактан аңгыда, Тывадан тренер башкылары-биле кады Кристина Куулар (тренери Денис Куулар), Белек Тожумей (тренери Александр Тугжу) болгаш Айдаш Кол (тренери Амир Кол) маргылдааларга киржип чорааннар.
Бистиң корр.
Чуруктарны интернеттен алган.
“Шын” №5 2024 чылдың январь 24
