Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Тываның студентилери аныяктар фестивалында

6 марта 2024
7

Сочиде «Сириус» федералдыг шөлчүгеште эгелээн бүгү-делегейниң аныяктар фестивалы делегейниң 180 чуртундан аалчыларны хаара туткан.

Тываның дээди болгаш ортумак тускай өөредилге черлериниң студентилери, республиканың күш-ажыл организацияларының специалистери – 17 аныяктар ында киржип чеде берген. Аңгы-аңгы чурттардан артистерниң танцы-сам, хөгжүм, ыр-шоорундан тургустунган театржыткан көргүзүг-биле фестиваль ажыттынган.

Президент Владимир Путинниң делегейниң аныяктарының кады ажылдажылгазын хөгжүдер дээн даалгазы-биле Федералдыг аныяктар херектериниң талазы-биле агентилел аныяктарның делегей чергелиг фестивалын организастаан.

Бистиң республиканың аныяктары өөредилге, эртем, чоннар аразының кады ажылдажылгазы, культура, волонтер база ачы-буян чедирилгези, спорт, бизнес, медиа адырындан 20 муң хире оолдар, кыстарның санынче киргенинге өөрүп турарын Тываның Баштыңы Владислав Ховалыг бодунуң блогунда бижээн.

Оолдар, уруглар мындыг улуг хемчээлдиг хемчегге киржир дээш, хөй чадалыг мөөрей шилилдезин эрткен– комиссияның шылгалдазынче эссе, видеотаныштырылганы чоруткаш, онлайн чугаалажылганы кылган.

— Программаны идепкейлиг шиңгээдип, чаа эш-өөр-биле таныжып, найыралдашкан. Мальдивы Республикадан Худ дээр чаа эжи Тываның дугайында хөйнү билир болганы, оолдарны кайгаткан. Чаа өңнүүн «кажыктаарынга» өөреткеш, суй белекти сунган – деп, Тываның Баштыңы дыңнаткан.

Фестивальдың программазы чымыштыг: интерактивтиг чогаадылга база өөредилге шөлдери, эки турачы акциялар, спортчу маргылдаалар, кинолекторийлер база дискуссиялар хөй. Оон аңгыда, ат-сураглыг эксперттерниң аңгы-аңгы угланыышкыннарында лекцияларынга киржир арга бар.

Бистиң корр.

Чуруктарны интернет четкизинден алган.


«Шын» №17 2024 чылдың март 6