Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Улуг чаъс өрттү өжүрген, хемнерниӊ суу улгаткан

13 июля 2023
21

Республикада хып турар өрттер чок дээрзин регионнуӊ диспетчер албаны июль 12-де медеглээн.

Ийи-үш хонук улаштыр чагган чаъстар Кызыл кожуунга хып турган өрттү өжүреринге дузалаан. Ындыг турбуже улуг чаъстаашкындан элээн каш хемнерниӊ суу улгаткан.

Өвүрнүӊ Дус-Даг сууру биле кожуун төвүн харылзаштырар көвүрүүн Торгалыг хемниӊ шапкын агымы үрей шаапкан.

Өвүр кожууннуӊ чагыргазы үрелген кежиг чанында сагындырыг демдектерни тургускаш, ажылдакчыларныӊ аӊаа дежурныйлаарын организастаан. Суурнуӊ чурттакчыларынга чогуур медээни дыӊнаткан, өске суурларже баар чугула херектиг апарза, «Дус-Даг – Самагалдай» авто орук-биле аргыжарын сүмелээн. Дус-Дагда 900 хире кижи чурттап турар суурнуӊ үер-сугга алзырыныӊ айыылы чок дээрзин кожууннуӊ эрге-чагыргазы дыӊнаткан.

«Өвүрнүӊ орук-сетелге тудуг эргелели» кызыгаарлаттынган харыысалгалыг ниитилел тускай техниказын ажыглавышаан, орукту септеп эгелей берген. Көвүрүг үрелген черже Республиканыӊ Орук-транспорт комплекизиниӊ яамызы биле Тываавтооруктунуӊ ажылчын бөлүү үнүпкен.

Тываныӊ гидрометеорология болгаш мониторинг төвүнүӊ медээзи-биле алырга, июнь 12-де Енисей, Каа-Хем, Бии-Хем, Алаш, Бүрен хемнерниӊ суунуӊ деӊнели көдүрүлген. Сугнуӊ эӊ бедик көдүрлүшкүнү Хемчик хемде – 22 см болган дээрзин демдеглээн.

Тываныӊ Баштыӊы Владислав Ховалыг агаар-бойдустуӊ баксырап турары-биле холбаштыр эӊ-не айыылдыг орук участоктарын, ылаӊгыя түр үеде тургускан кежиглерни, хыналдага алырын Орук-транспорт яамызынга ооӊ мурнунда-ла дагзып каан. Кожууннарныӊ орук ажылдакчылары-биле кады доктаамал мониторингини эрттирип, орук септээр бригадаларныӊ дежурныйлаашкынын хандырар.

Тываныӊ Чазааныӊ медээзи-биле Р.Демчик белеткээн.