Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Улуг хар чагган

23 декабря 2023
29

Декабрь эгезинде Мөңгүн-Тайга кожуунга улуг хар дүшкени-биле кѳдээ ажыл-агыйынга шаптараазыннар тургускан. Ол дугайында Мөңгүн-Тайга кожууннуң чагырыкчызы Чойган Иргит социал четкиге бижээн:

“Малчын аалдарже чедер орукту хөртүктеп каапканындан аңгыда, малдың одарында хар кылын дүшкен болуп турар. Мөген-Бүрен сумузундан – 4, Каргы сумузундан 5 аал кыштагларындан одары чүгээр черлерже көжүп чоруткан. Амгы үеде малчыннарга дуза кадары болгаш кыштаглаашкынны эки эрттип алыры — ажылывыстың кол сорулгазы”.

Чагырыкчының бо медээзинге немей Мөңгүн-Тайга кожуун чагырыкчызының көдээ ажыл-агый талазы-биле оралакчызы Аржаана Куулар телефон дамчыштыр дыңнаткан:

“Бо чылын ниитизи-биле кожуун девискээринде хар кажангызындан артык улуг дүшкен. Суур иштинге безин аргыжары берге турду. Малчын аалдарже чедер оруктарны хөртүктеп каапкан турган. Кожууннуң орук чериниң техниказы Мөген-Бүрен — Мугур-Аксы — Кызыл аразында чоннуң кол аргыжылга оруун аштап четтикпейн турган үеде малчыннарже ийи неделя дургузунда мал чеми, аъш-чем сөөртүлгезинге бергедежип турган бис. ТР-ниң Чазак Даргазының оралакчызы Алик Монгуштуң удуртулгазы-биле ТР-ниң Арга-арыг ажыл-агыйының яамызы Садко деп ГАЗ машинаны аңгылап берген соонда, малчыннарга “Малчын” КУБ-туң курлавырындан мал чеми болгаш дус, далган, аъш-чем чедирер аргалыг болдувус. “Мөген-Бүрен” КУБ-туң чедери берге кыштагларынче “Восток” КХН-ниң КамАЗ машиналары дажыжып берген. Ниитизи-биле кожуун девискээринде мал бажынга чидириг чок. Бо хүннерде агаарның температуразы -28 градус.

Карина МОНГУШ.

Чуруктарны Чойган Иргиттиң социал четкиде арнындан алган


“Шын” №98 2023 чылдың декабрь 23