Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Улуг назылыгларны шайлаткан

12 октября 2023
12

Чоокта чаа, октябрь 1-ниң хүнүнде, Баян-Кол сумузунуң чагырга черинден чалалга, Улуг назынныглар хүнү-биле байыр чедириишкини бижик алгаш, суурнуң Культура бажыңынга чеде бердим. Ооң улуг залында стол, сандайларны ийи одуруг кылдыр тургускаш, хөй-ле аъш-чемни столдар кырында делгей салып каан болду. Суурнуң улуг назы-харлыг хоочун чурттакчылары аъштанып-чемненип шайлаан, хөөрешкен олурлар.


Улуг назылыглар хүнүнде хоочуннарга байырлыг шайлаашкынны Баян-Кол суурнуң албан-организацияларында ажылдап турар аныяктар, школа биле уруглар садының башкылары, эмнелгениң эмчилери дээш өскелер-даа шупту демнежип организастаан болдулар.

Баян-Кол сумунуң чагырга даргазы Хүлер-оол Байкара Улуг назылыглар хүнүнде байырлыг шайлаашкынның аксын ажыдып, сумунуң шупту хоочуннарынга хамыктың мурнунда быжыг кадыкшылды, узун назы-харлыг болуп, арат чонунуң, ажы-төлүнүң аразынга чурттап, оларга өмек-дөмек болуп, ажы-төлүнүң уруг-дарыын өстүржүп, төлептиг кижилер кылдыр кижизедирин күзеди.

Дараазында сөстү тус черниң Төлээлекчилер хуралының даргазы Ролан Балдай-оол ап, хоочуннарга база-ла кадыкшылды, бүгү-ле чүүлдерге экини күзеди.

Улуг назылыглар хүнүнде байырлыг шайлаашкынга оюн-тоглааны, ыр-шоорну, танцы-самны сумунуң чагырга даргазының оралакчызы Чойгана Тоглакпан башкарып эрттирди. Баян-Кол суурнуң ном саңының эргелекчизи Светлана Маны-Хая кончуг чараш шүлүктерни кырган-авайларга болгаш кырган-ачаларга аянныг чараш кылдыр номчуп берди. Наталья Моңгушевна Чаш-оол, ыраажы авашкылар Юлия Сарыг-ооловна биле оглу Мөңгүн Санданчик олар ырлажып, хоочуннарга аян туттулар.

Хоочуннар база аныяктардан дудак чок ырлап-шоорлап, шүлүктеп, ойнап-хөглеп шаг болганнар. Бодунуң чогааткан шүлүктерин Зоя Семеновна Серен-оол номчуду, Татьяна Хунажык кожамыктап-даа турду.

Петр Оюнович Бады-Назын, Орус-оол Кыргысович Сымчаан-оол олар Улуг назылыглар хүнүнде байырлыг шайлаашкынны организастап эрттиргени, черле ынчаш, сумунуң эрге-чагырга черлериниң ажылдакчылары Баян-Кол сумуда улуг назы-харлыг кижилерге дузалаар талазы-биле ажылды кызымаккай чорудуп турарынга өөрүп четтиргенин хоочуннарның мурнундан илередип, ол ачы-буянныг ажыл-ишке чедиишкиннерни күзээннер.

Баян-Кол сумунуң чагыргазында болгаш өске-даа организацияларда ажылдап турар кижилер дөгерези аныяктар. Чагырга даргазы Хүлер-оол Борисович Байкара мээң ортун уруумнуң чаңгыс классчызы чүве. Ынчангаш бо аныяк даргавысты бичии оолак шаандан тура билир мен. Ада-иезин база эки билир мен. Назыда арага ижип көрбээн хоочуннар-дыр, чон билир. Авазы ам-даа чурттап олурар, ам сезен ажыг харлыг. Хүлер-оол Борисович агроуниверситетти доосту. Алыс боду арага-даа ишпес, таапкы-даа тыртпас. Баштап турар сумузун элээр чоруктуң девискээри кылып кагды. Эр хей!

Оралакчы чагырыкчывыс Чойгана Эртинеевна Тоглакпан мээң өөм иштиниң өөреникчизи чүве. Эге класска өөренип тургаш-ла, албан башкы боор мен деп башкызынга чугаалап чорааны ол олчаан-на болган. Дээди эртемниг физика-математика башкызы.
Тус черниң Төлээлекчилер хуралының даргазы Ролан Рудикович Балдай-оол күш-ажыл башкызы. Бо аныяк даргаларывыс шупту 30–40 хар үези назы-харлыг аныяктар.

Шупту-ла ажыл-херектерге чедиишкиннерни бүгү сумунуң чурттакчы чонунуң мурнундан күзеп каар-дыр мен. Чаңгыс базым-даа аткаарлавайн, чүгле бурунгаар, аныяктар.

Петр НАЙЖАП, күш-ажылдың хоочуну.


«Шын» №77 2023 чылдың октябрь 11