Эргим чаңгыс чер чурттугларым!
Улуг Тиилелгениң хүнү-биле силерге сеткилимниң ханызындан байыр чедирип тур мен!
Бо хүн бистиң чуртувустуң төөгүзүнде онзагай хүн. Ол чоннуң маадырлыг чоруунуң, Төрээн чурт камгалакчыларының сыныш чок тура-соруунуң болгаш эрес-дидиминиң көскү бадыткалының хүнү.
Ада-чурттуң Улуг дайынының үезинде хоочуннарның, фронтучуларның болгаш тылдың ажылдакчыларының өлүм чок маадырлыг чоруу дээш оларга хүндүткеливисти сеткиливис ханызындан илередип чоруур бис. Төрээн чуртунга оларның ынакшылы, маадырлыг ажыл-херектери шупту салгалдарга үлегер-чижек болур. Боттарының дайынчы, күш-ажылчы, хамааты маадырлыг чоруктары-биле олар Тиилелгени бүгү делегейниң төөгүзүнче киир бижээн! Оларга черге чедир мөгейдивис!
Бистиң хөй национал чоннарывыстың эп-найыралының быжыы, российжи шериг албанныгларның эрес-маадырлыы, дайынчы сүзүү удурланыкчы чурттарның кызагдаашкыннарынга удур туруп, бистиң чуртувустуң эрге-ажыктарын камгалап алыр арганы бээр.
Кадыкшылды, чоок кижилериңерниң чылыг хамаарылгазын болгаш деткимчезин, тайбыңны болгаш амыр-чаагай чорукту күзедим!
Тиилелгениң байырлалы-биле!
Тываның Чазааның Даргазы Владислав ХОВАЛЫГ.
«Шын» №34 2024 чылдың май 8
