“Мир” карталарының эдилекчилери VK продуктуларын ажыглап турарларга чиигелде, деткимче ап болур чаа платформаны алыр аргалыг болур
Петербург хоорайда бо хүннерде болуп эртип турар чурттар аразының экономиктиг форумунга Төлевирлер чорудар национал система биле VK аразында кады ажылдажылга чорударының дугайында меморандумга ат салган. Ооң аайы-биле VK продуктуларын ажыглап турар кижилерге база “Мир” карталарының эдилекчилеринге чиигелде, деткимче ап болур чаа платформаны хөгжүдүп, төлевирлер чорудар ажылды кады хөгжүдер дээнин VK-ның парлалга албаны дыңнаткан.
Росбанкының Кызыл хоорайда девтскээр офизиниң директору Аяс Баян ук ажылды бо чоокку үеде боттандырыптар ужурлуг деп дыңнаткан:
“Ук ажылдың бир угланыышкыны – онлайн-төлевирлер чорудар арга-шинекти улам хөгжүдери. Ук сервистерде садып турар бараан аймаа дээш база чедиртинген ачы-дуза дээш төлевирлерни аңаа-ла боттандырыптар болгаш өске-даа саң-хөө операцияларын чорудар аргалар тургустунуп келир. Ынчалдыр кады-ажылдажылганың түңнелинде чурагайлыг технологияларны улам хөгжүдер арга тургустунар”.
Бистиң корр.
Чуруктарны интернет четкизинден алган.
